香港7．23書展，忽然全民皆書蟲。
只展7天，去年入場人數多達76萬，怎樣才可行得精？今次《FACE 》親訪參展女名人明星名模中最潮那4個，上位熱模Angelababy 教你點學佢玩嚫界最熱baby look 、陳慧琳stylist Celia 醒你秋冬潮流、名模周汶錡教你潮遊'08最熱點——北京及聽名作家陶傑話，學才女卓韻芝態度，唔買書都有嘢學。
泳衣寫真
$502%tote
打扮精讀
書展女1：人氣嚫模Angelababy 1書2冊寫真+30形象
人氣爆燈的嚫模Angelababy 今年首次出書，1書2冊，1本玩寫真（左），由專影潮星如Joey、Eason 唱片封套的攝影師CK 操刀，取景大浪灣，素顏上陣為令大家看清楚Baby「百變」下的真面目，泳衣sexy 、細路cute 相，加插身邊人如港、日經理人Kim、Yoko 講Baby 幾句。另一本則是30個自己襯的不同造型，仲親自揀相、排版，又借（如2％）又用私伙靚衫，出樣又出力，正如有10年寫作經驗的梁芷珊話齋，出書所花的心機是外界無法想像，呢次處女作就諗足一年有多。
2%首賣袋
日期：22/7/2008（二）
時間：3pm
地點：官塘apm 2%店（4樓Xsite 2鋪）
著數：頭50位買書可獲A1size 簽名海報1張，購買寫真集加$50即可獲Angelababy 人像tote bag1個。
簽名會
日期：25/7/2008（五）
時間：6pm
地點：香港會議展覽中心展覽廳2號展廳2K19攤位
出版社：Real Root
售價：$100（一書兩冊）
數量：保密
3歲影80
而家嚫模比上一輩名模明顯百變得多，經理人Kim 亦同筆者大讚Baby ，「好多model 簽咗返嚟要同佢執形象，教佢著衫、打扮，但Baby 好叻女，自己已經build up 咗一個好fashionable 的形象。」Baby 亦謂細細個已用Olympus 菲林機玩自拍，早已3歲定80做靚模。
勁潮小學已戴color con.
天生麗質世上有幾個，懂得打扮有品味才是「靚」關鍵，TVB 星唔靚咩，但潮唔起咋！89年上海出生的Baby ，原來小學6年級已勁潮（曳！）戴color con.，「我6年班已經戴綠色color con.返學，點解冇老師鬧？上海人好純樸㗎，我同老師講話而家啲con.係咁㗎，佢哋就冇阻止我喇！」中三來到香港讀聖母院書院，醒目的Miss 當然知咩事，Angelababy 才戴回普通冇色con.，呢一刻就同做模老死Janice Man 一樣戴韓牌Fresh Look 的Honey 色color con.，「呢隻啡色係咁多品牌中最出。」至於一頭長及pat pat 日本「涉谷系」鬈髮，則是入行後的「陰差陽錯」，「我好細個已經電鬈咗把頭髮，之後返學一路做模，忙到根本冇時間去打理，所以就一直留到咁長喇！」
上圖大頁的Baby 勁愛身上的2％背心，說它似足日牌Hysteric Glamour ，同樣地上圖寫真集的服裝也是2％出品。
Baby 電話wallpaper 是入行冇耐Wing Shya 幫佢影的styling 照，佢話過時仲箍緊牙，都可以影到咁靚所以一定要keep ！
預告變《Sweet 》style
Angelababy 入行3年，由箍住牙做模、到金鬈髮、啡大眼，Angelababy 形象一路變，「以前好鍾意睇《ViVi 》，里面介紹過啲衫大部分喺日本涉谷109買到，多數是貼身tee 、小背心同超短褲，帶性感的style 。而家我就較鍾意睇《Sweet 》，感覺成熟少少，多介紹民族薄紗、雪紡服，所以亦多行咗賣這類衫的日本新宿Lumiere 中價百貨店。」打扮成熟了，連名牌愛好都變，主因不離濫，「一路都好鍾意Chanel ，但好似愈來愈多人用，變得冇咁鍾意。而家好想買Hermes Birkin ，但太貴仲未捨得買。」
Angelababy 影相當日
的Chanel 是潮媽唔
畀佢
的，「媽咪好潮，佢而家鍾意Jimmy Choo ，我邊有咁多錢買貴嘢
！」身上的雪紡飄逸上衣引證她決心跟㗎誌《Sweet 》走成熟之路。
Angelababy 親教你變baby look
Baby 的聰明除了夠潮夠百變、表情豐富外，還有知己知彼，跟潮流也要適合自己，「而家好多女仔都整水晶甲，我試過1次但好唔鍾意，因為好唔真實，所以之後都冇再整；眉亦要啡色，要淡唔要濃，最natural 兼襯我。」
1Day 啡大眼最出
「當初我戴Fresh Look Honey 色，近幾個月為衛生同方便，已轉戴同牌子1Day 版，只得1隻啡色，好易搵㗎！」
長短蔭隨時變身
「我分左界同右界頭髮係兩個樣，所以我右邊長、左邊短，可以時成熟、時妹妹仔啲！」
防靜電洗髮水
「我用開喺日本買的Pantene 防靜電洗髮水，珍珠白色樽的，用完勁滑。」
日日做hair treatment
「我唔用護髮素㗎，索性日日用Goldwell treatment 代替，尖沙咀龍城藥房賣$148大大支！」
Clarins 磨靚腳
「我護膚用晒Clarins 出品，最推介它的磨砂膏（$360），1大罌好香香薰味；第2是50+SPF 防曬，真係唔會曬黑；最後是Body Cream ，爽而不
，好正！」
雙眼皮膠水止眼腫
「好多人都覺得單眼皮人先要靠雙眼皮膠水，但其實我有時唔夠
眼腫都會用嚟撐大啲對眼！」
Eight Hour Cream Lip Protectant Stick 護靚嘴
「我平時好少搽lip gloss ，只會用Elizabeth Arden Eight Hour Cream 等個嘴令令哋，因為我鍾意個嘴有natural pink 嘅感覺。」
書展女2：10.2Kelly 伴娘 兼形象指導Celia Wong
10月2日Kelly 大婚，伴娘不是親家姐而是Celia 。大部分人認識Celia ，都是因為她替Kelly 當形象指導，她倆初遇在玫瑰崗中學，F.1已成好友，friend 足23年，「係我主動識Kelly ，點解？佢過時已經又高又靚，係人見到靚嘢都想approach 㗎啦！」
之後Kelly 分別到日本同紐約升學，但仍有聯絡。「過時IDD 好貴，又未興email ，我哋都係用最原始的方法，寫信去維繫友誼。」Kelly 每逢暑假返港，都會約Celia 行街，「佢係100%購物狂，10幾歲已好有sense 好有要求，著要著cashmere 、飾物要手工夠fine ，佢爹哋做珠寶嘛。」
到了Kelly 95年入行，無論出席大小活動、唱片封套甚至頭兩個演唱會，都是由Celia 一手包辦，人人話佢做Kelly stylist 就易過借火，因為天生model 骨架，著乜都冇死，Celia 即時反駁，「梗係唔係啦！Kelly 天生hip 位較窄及扁、唔夠翹，嚴格嚟講唔夠女人味，而佢又鍾意一啲好貼、好騷到線條嘅衫，當初為咗呢個問題我都不知煩咗幾耐，成日要搵啲pat 位有立體剪裁或立體後袋的褲畀佢著！」
有情有義冇諗過換我
而家最多人關心的，是Kelly 10月同初戀男友Alex 的婚禮靚婚紗，「Kelly 好鬼緊張，佢淨係講咗一句：『一定要靚！』就好似以往做嘢咁，交晒畀我去搞，其實呢樣係我最感激Kelly ，13年嚟對我好信任，從無質疑我、就算紅咗都冇諗過要換走我，佢好有情有義。」而家Celia 最忙的就是幫Kelly 搵婚紗，「佢要大師如Dior 、Galliano 的婚紗及一件晚裝。」聽落簡單，但Celia 已大壓力到茶飯不思，訪問中每次提及均唉聲嘆氣，問佢自己伴娘過套，更灰到話，「梗係是但啦！」
此跨頁插圖就是出自Celia 新書《Celia 魔法衣櫃》，圖中大眼妹就是Alice 筆下的Kelly 卡通。
人氣插畫師幫拖
曾替Levi's 畫tee ，在法國潮店Colette 開展的插畫家Alice Chan ，是首次畫書封面。「今次應承Celia ，全因我本身都好鍾意行街買得意嘢，如Celia 店中賣的貨一樣。」Celia 亦表示搵Alice 畫插畫因為佢嘅畫風很girlish ，用色桃紅及紫又很切合Celia 時裝店「dada 」形象。新書《Celia 魔法衣櫃》10個chapter 中最精采是打開Kelly 衣櫃，爆佢至愛。其餘的就有實用的「平買貴穿」、教路的「捐窿捐罅搵本地平嘢」及必知的「10大衣櫃」。成本書都係教你點打扮著衫，實用性極高。「序是Kelly 寫的，字少但窩心。」
Kelly 最感激Celia 《愛》鬥牛服
對於Celia 話感激自己有情有義，Kelly 話感激番Celia 知佢心意，「同Celia 合作13年，我從來冇諗過換人，因為我朋友唔多，傾得埋、同樣鍾意行街買嘢、又口味接近嘅真係得Celia 1個，佢嘅功勞都係唔能夠抹殺嘅！」Kelly 出道以來，所有唱片封套形象均由Celia 一手包辦，Kelly 最感激Celia '03到西班牙取景的《愛》大碟中為她特別訂做的鬥牛服，「套衫又型又特別！」
Kelly 撐場記招
日期：24/7/08
時間：2pm
地點：香港會議展覽廳1號廳Booth EF01-20
簽名會
日期：27/7/08
時間：6pm
地點：香港會議展覽廳1號廳Booth EF01-20
出版社：海濱圖書公司
售價：$78（書展連file 、電話繩優惠價$89）
數量：30,000本
Celia 爆Kelly 3個No
1.厚身打底
「Kelly 從來都冇俾人影到走光，全是佢自己的功勞。佢揀打底有一手㗎，去到歐美狂去啲貴內衣店買薄身及近佢自己膚色的打底，佢一摸上手就知邊啲係厚身易著到佢肥，好叻！」
2.緊身衫
「鬆泡泡嘅衫唔使旨意佢會吼，佢著衫一定要騷到figure 的！」
3.封鎖骨
「Kelly 膊頭及鎖骨位好靚，佢最唔鍾意著樽領衫遮住呢兩個位，而且樽領易令人有頭大感覺，佢最怕！」
Celia35歲，大一設計學院時裝設計文憑畢業。'95陳慧琳出道時已幫她做styling ，'98於銅鑼灣恩平中心開設首間時裝店dada ，除Kelly 外，仲曾任謝安琪、孫耀威等stylist ，今次處女出書，搵嚟Kelly 寫序兼於24日開記招宣布，先贏氣勢。
Celia 講秋冬trend
潮brand ：
The next Chloe Philip Lim
「我睇好Philip Lim ，手工fine 、用色柔和，著過個都覺得好舒服，人哋話佢係第二個Chlo ?A 我覺㗎！」
潮look ：
黑色幽默
「民族女巫look ！哈哈，呢個名係我創嘅，Luella 同Gucci 都有玩，咁叫因為佢哋都係民族衫加長帽、濃妝，好有神秘感，嚟緊會好hit ！」
Kelly coming look ：
「Kelly 近年好鍾意美國華裔設計師Alexander Wang ，主要係一啲beige 、白、灰tone 的闊cut 、飄逸衫，佢鍾意加條短爛牛同高踭鞋咁著。」
Kelly 出席奧運活動，明玩Alexander Wang （左）look ，Alexander Wang 曾任Marc Jacobs 助手，Harvey Nichols 有售。
書展女3：卓韻芝 3潮態度
卓韻芝，行年29，白羊座，第1本看的書是11歲那年的《生命中不能承受的輕》，計埋《低胸裙戰爭》，至今已著有10本散文集。阿芝把口叻、轉數快，筆者問：「喂，人人讚你寫嘢有態度，你覺得女性應有邊3種態度？」我個「度」字都未講完，阿芝已搶答：「第1個態度就係唔好分男同女啦，呢個年代冇話男要咁，女就要咁㗎喇！」而第2個就是要有追求知識的心，「現代人覺得求學問是件很老套的事，我最近都睇《醜聞筆記》而學識黑色幽默寫作手法。」第三是要好奇，「我想學中醫，想知我脷黃即係咩病，想知啲草藥點解可以醫病。」
追求學問的態度，阿芝亦坐言起行，'09年頭會到外國留學，報道話佢會去紐約，但其實仲係未定案，「未知㗎，隨時變㗎，過陣時啲記者問我，我咪求其答住先咋！原本諗住讀Fine Art ，但亦都可能會變㗎！」當初佢叫芝Si 菇Bi ，都係因為啲工作人員追問佢，叫佢改節目名，但又趕住去溜冰而「
住先」，大智若愚大概係呢類呱！
F.5畢業、未讀過文學、未上過大學，14歲就開始半讀半做DJ ，點解可以寫劇本、寫專欄寫到筆者訪問才子陶傑都讚？口頭禪係「Well ……」的阿芝，「當然我唔係個個英文都明啦，但只要有恆心，唔好怕咁睇落去，你係會估到過啲生字嘅意思㗎！勤力啲過陣咪事後查番字典咋！」
阿芝唔係幫Viktor &Rolf ×Shu Uemura 假睫毛影廣告，「只不過係拎埋去日本玩時搵朋友幫我snap shot 一張。」冇錯，只不過係snap ！但係有晒化妝、服裝同pose 嘅「snap 」咋，玩都咁認真，可能係阿芝漏咗同我講嘅第4種態度！
醒目！餘相上blog 睇
《低胸裙戰爭》講點解人會不斷對同一件事驚訝，如女星著低胸裙同緋聞。同以住散文集一樣分3部分，《蘋果日報》專欄的輯錄；「消費戰役」教你點去買印有你同你另一半名字的紅酒等；最後就是倫敦、老撾及挪威的旅遊照。更把自己blog 的link 寫入書中，「幾千張相實在唔識篩呀，一路睇書一路喺網上睇番咪仲方便！」
出版社：明窗出版社
售價：$58
數量：保密
書展女4：Kathy 教蒲北京
19歲入行，做足15年模的Kathy '05撈過界同歐陽應霽主持《回味無窮》講飲食，4年前開始出旅遊書講香港、台灣及上海，今年趁奧運熱帶你遊北京。在序中提到，10年前首次踏足北京是齊蔭，今年5月去咁岩又是剛剪了齊蔭，髮型冇變，但北京大變，「以前只係得古舊建築物，而家依然保留之餘，仲多了很多外國設計的建築物，古今合璧。」以下2處是Kathy 最推介的。
《享．樂．北京》封面就是取景自京劇《白蛇傳》表演現場，「嘩，呢句真係要寫，你知唔知幾難先成功約到呢個京劇團影相呀？真係重重波折，仲要等佢哋表演完先可以影㗎！」
1.南鑼古巷掃scarf
「有北京local designer 同地道飾物賣，我買咗條印花scarf ，幾百蚊，好鍾意。過度好多外國人去，我仲遇到Daniela Mercury （巴西爆賣女歌手），同佢一齊行街添！」
2.建國路食駐京法國菜
「近年有好多外國人喺朝陽區建國路開餐廳，『法派』麵包店有數十款甜品、麵包揀，又可以對住落地玻璃慢慢食，最緊要係佢哋唔會好似香港，為咗迎合港人而改變口味，同我喺法國食嘅一模一樣㗎！」
出版社：Icon Models
價錢：$78
數量：保密
18年書展 '93迫爆玻璃
首屆香港書展於90年舉行，18年間，參展商由149家增至去年的475家；參觀人數由20萬增至76萬；由免費入場至現在成人$25、小童$10；由當初純文學作家參展至今日有多個明星名人模特兒出書出寫真，變化之大不能不回味一下！
'90：首屆書展誕生，展期只得４天，免費入場。
'91：劃一收費$10，參展商由149家增至200家。
'93：因為太群情洶湧，售票處玻璃被迫爆，兩名入場人士受傷送院。
'96：首年有多位明星參與書展，以劉德華做嘜頭的漫畫《Return 》賣出１萬本，成為當屆大贏家。
'99：增設DHL 速遞服務，唔使嗱得咁辛苦。10kg $80、20kg $100
'03：因SARS 事件，展期由23/7延至29/7舉行。
'06：周麗淇推出《The child-woman 手冊》，被彈字少吉位多，內容空洞，更傳搵同公司的傅佩嘉代寫，當時她不肯正面回答此事。星期六增加「午夜書市」時段，開放時間延長至凌晨２點，方便夜遊人。
'07：Theresa 傅穎的《我和陽光在一起》賣出近5,000本，同亦舒的《有時他們回家》分別是明星界及文化界的No.1。
陶傑最buy 阿芝
「香江第一才子」、獲英國文化協會邀請在23/7書展主持英文講座的陶傑說：「明星出書出寫真比文學作家出書更好賣是香港特有文化，紐約、倫敦唔會咁，啲人係等書店開門去買Andrew Roberts 啲歷史書㗎！」講到今次書展，佢就撐卓韻芝，「我有留意呢個女仔的專欄，好有態度同主見，另一個我推介年輕人睇的是張小嫻作品，感性、連貫，為陶冶性情或學寫作技巧都好。」
