今日去左...
迫到阿媽都唔認得, 條路又勁曬 (受難呀....
)
不過意外地讓我用多左錢 (本來諗住買唔超過 $100
)
啲人飛撲搶 clinique gross (個sale一丟盒貨出嚟就有超過十隻手伸入去, 五秒無晒
)
不過得一隻色... 唔知點解咁受歡迎呢...?
啲一蚊嘢無人 hou... 啲樣唔吸引啩
反而人人都摷牌子貨 (channel, dior之類)
olay total effect 又係人人個籃仔都有一支, 唔知係咪咁好用呢...? 好奇之下買左一支
有隻biotherm保濕面膜賣75ml貨裝賣$98, 但我見到最近卓悅賣$75所以無買
(不過尋日尖沙咀卓悅都話賣晒無貨了)
但呢度開倉好多人買
好多品牌都有得賣
最跨張隻 anna sui 蝴蝶香水一早開舖就賣晒, 個sales 話啲人勁搶...
但我見現場都有其他 anna sui 香水都係同價 $138, 又有貨剩喎
唔知點解係嗰隻咁搶手呢...? 唔通因為廣告介紹...? 定係呢隻個味好特別呢?
本來想買 versace 48蚊嗰支試下, 但又比人掃晒, sales 話唔知幾時番貨...
本來想買支 escada $138 代替, 但己經買到無錢了... (只收現金, 帶唔夠去
)
boots body care $36/ set 都幾多人買
個場地好細好迫, 成日都聽到有人話"我頂唔順啦...走先啦...
","買住咁多算啦
", 又好難先可以前進, 間大廈個位置又難揾
不過都買得好開心喎
可能真係有啲買平嘢o既感覺啦...
不過一啲平一啲唔算好平, 有啲莎莎卓悅都係咁上下價錢, 大家去買都要睇真啲呀
