被指麻煩多多的王喜，雖然過去兩年備受無線重用，但他仍嫌不足，近日欲以其他公司斟他合作為由向無線大跳草裙舞，結果令管理層極度不滿，決定送他一程，跟他提前解除經理人合約，連一向疼錫王喜的陳志雲也說：「唔阻佢發展。」
兩年前，王喜前經理人Ba 叔（陳達志）委託無線製作總監（戲劇製作）曾勵珍照顧王喜，結果在珍姐力薦下，無線與王喜簽下5年經理人的合約。雖然過去兩年王喜備受無線重用，劇接劇之餘更有機會代表無線攀珠穆朗瑪峯報道奧運聖火傳遞，但據悉王喜仍怨氣沖天，經常埋怨無線未有盡力捧他，甚至眼紅其他小生花旦頻頻接騷搵快外，不滿無線未落力幫他接騷。
王喜做事太過認真，拍劇受傷之餘往往開罪他人也不知曉。
早前拍《烈火雄心III 》時，有傳陳志雲曾下令加重王喜戲份，令鄭嘉穎（左二）戲份變相減少
歡迎向外闖至近日，王喜更向無線大跳草裙舞，聲稱有荷李活公司斟他合作，欲提前解除經理人合約，令無線管理層極為憤怒，無線有見王喜一向麻煩多多，拍劇經常改劇本、教導演和攝影師如何拍攝，又有指他扮大哥教演員做戲，連資深甘草也不放過，惹來幕前幕後不滿和投訴，是以連一聲挽留也沒有，便決定跟他提前解約。據悉，連一向疼錫王喜的無線總經理陳志雲今次也「冇眼睇」。
記者昨日致電無線製作資源部總監樂易玲了解時，她承認與王喜提前解除經理人合約，並說：「我承認王喜係一個比較有要求嘅演員，如果因為呢啲要求影響到製作組嘅拍攝工作，我代王喜同製作組講聲唔好意思。我同王喜傾過，認同佢想法，佢話冇乜時間，想趁後生出去博吓，我同佢講，第時出到去有乜問題，歡迎佢隨時搵我。」有指王喜埋怨無線未有盡力為他搵外快，樂易玲說：「佢拍劇一部接一部，騰出嚟嘅時間唔係太多啫。」
不再保愛將陳志雲則說：「我證實TVB 唔再係王喜嘅經理人，既然佢覺得出面發展大啲，我都唔想阻佢發展，但佢仍然係TVB 合約藝員。」王喜被指是陳志雲愛將，今次為何不撐他時，陳志雲立即澄清說：「冇咁嘅事，個個都係公司資產，如果外面有機構將佢才能發展推到高峯嘅話，我哋係唔應該阻止嘅。」
陳志雲（右）昨日承認與王喜提前解除經理人合約
不褸都傳佢係一個痳Q煩既人
