Hotcha 在日本秋葉縣取景，其中被工作人員稱為「甫士王」的Winkie ，手持一條大毛巾晒玉背，擺型格甫士揮灑自如。
今個月廿三日，書展正式揭幕，又到書迷和麻甩電車男大出血之時。為使眾男乖乖奉獻金錢，今年不少嚫界女星都放下身段大出水著寫真，實行我晒肉，你出血。
當中組合Hotcha 和JJ 賈曉晨更是首次拍三點式寫真，前者飛去日本取景，後者則返老家濟南。論揼本，Hotcha 自然sure win ，不過論養眼，則以33C 無敵身材的JJ 殺晒。除了以上兩本夠吸引，更有東洋味濃的Theresa 傅穎，以及火辣冇底線的Tanya （張震女友）任君選擇。與其心大心細，倒不如帶定彈藥，實行在書展「血拚」。
去年書展才女當道，當中首推Theresa 的繪本式寫真賣過萬本，眼見年輕人市場有利可圖，今年不少唱片公司均為旗下嚫界新星大出水著寫真集，實行開闢財路。至於作為前哨戰的書展，今年有份上「肉搏擂台」的女星，除送上噴血三點式外，亦附加不少禮物如㩒章、T 恤等，實行以抵食夾大件招數搶客。
捱病凍到嘔
一出道以小朋友為對象的Hotcha ，亦在今次寫真集乘機轉型，著三點式大賣32A 微波。「今次我哋去日本拍寫真，以為夏天會好熱，所以淨係帶咗背心去，點知去到沙灘先知得十幾度，著住三點式又要擺好多個pose ，最後三個都凍到病咗。」Hotcha 三人一講起拍攝過程就吱吱喳喳相當雀躍。
至於JJ 賈曉晨拍寫真時亦唔好得去邊，「其實今次返家鄉拍寫真過陣都仲未夏天，服裝方面大部分都係比堅尼同旗袍，其他衫都可以貼暖包，但比堅尼就唔可以，好彩攝影哥哥見我拍到面青唇白，最後都肯就我喺酒店房拍。」寫真照JJ 笑晒口，實則凍到嘔，兩本寫真拍攝得同樣有血、有淚、有肉。
身材均勻的Crystal 大方穿上比堅尼上衣配超短褲，雖然拍攝時她患上小感冒，狀態仍不俗。
Hotcha 寫真集內，除了有泳衣照，大部分都係三女青春照，封面照陽光味十足，滿足晒fans 心水。
Hotcha
書名：《On the move 》
頁數：88頁
定價：$68
印數：1萬本
賣點：有150本特別版附送T 恤
最近JJ 在嚫界女星中人氣爆燈，她乘勝追擊在書展出噴血寫真，照片甚具日本feel ，她不惜晒胸任睇。
雙峰貼牆，JJ 這個甫士相信引死一眾電車男。
早前女星
照成熱話，JJ 在酒店房內取景的這批
照，亦甚具誘惑。
JJ 賈曉晨
書名：未定
頁數：80頁（暫定）
定價：$150（暫定）
印數：預計1萬本
賣點：家鄉揭秘+大量水著
去年書展，主打年輕市場的江若琳（左圖）和Theresa 出書，簽名會反應墟
，結果銷量亦頗理想，同樣賣過萬本，難怪今年她們亦再度出書爭飯食。
出口術搶客
而上年執筆做才女的Theresa ，戴上「大眼仔」染埋金頭髮後，即時由娘變潮，更成為電車男近期熱捧嚫星之一。今年Theresa 摒棄才女形象，改以小背心和比堅尼純觀能刺激客路，更與Hotcha 一樣，揼本飛往日本取景，共拍了30個造型。靚衫靚鞋加埋超過一百套，製作費更達100萬，實行谷到盡作終極一擊。她更自爆在寫真內有超激相片。「喺寫真入面，除咗有泳衣仲有內衣添，不過你哋唔好亂諗，我嘅性感係健康過種，唔會太過分。」
去年出書做才女的Theresa ，今年推出寫真sell 靚樣sell 身材，男fans 一定拍手叫好。
Theresa 傅穎
書名：《Gracious 》及《Sensuous 》
頁數：每本140頁
定價：每本$150附加CD
印數：各5千本
賣點：東洋味濃＋少布背心＋三點式相片
Tanya 身材索爆，金色三點式加臀部搶眼圖案，相當誘惑。這張水著照更揀做Tanyn 寫真封面。
Tanya 吳家欣
書名：《Sweet-ish a day with Tanya 》
頁數：88頁
定價：$150
印數：1萬本
賣點：大量賣大包三點式
張震女友Tanya （吳家欣）請來著名攝影師Sunny Lau 為她拍攝的水著寫真，性感得來，亦不失陽光氣息，大晒身材出書，男友點睇？她說：「都會送本畀佢睇㗎！」
首次揸筆的江若琳，在書中講述她入行三年及童年往事、瘀事。
經常被指變樣的Angelababy ，今次出書可望平反。「成日話我整容，今次啲相由細睇到大，你哋就知我個樣有冇變。」資料圖片
另類心水
嫌火辣睇到厭，書展內亦有其他心水選擇，當中江若琳和Angelababy 雖然冇養眼三點式，但就睇到兩位索女由細到大的脫變過程，想知靚樣係先天遺傳定後天培育，兩本寫真一定不能錯過。
