傑青許志安揸車一晚連犯三宗罪，對身份同形象不無影響
成日話藝人係公眾人物，要注意日常言行，身為傑青嘅許志安更加應該係大眾嘅榜樣，但上星期許志安駕駛bB 座駕夜蒲，由銅鑼灣駛去何文田嘅短短路程中，竟然三度觸犯法例，隨街丟垃圾兼漠視交通安全，呢種行為真係唔要得。
左轉路口向右轉當日夜晚10點幾，戴cap 帽嘅安仔喺銅鑼灣會合一名身形圓潤嘅長髮女伴後，即去新寧道取車，架車駛出禮頓道時已經觸犯交通條例，喺只准轉左嘅路口違規轉右。跟住安仔駛至跑馬地，同女伴坐喺車廂入面煲煙傾偈，其間佢校低車窗，仲將煙頭丟落地，呢種行為若被檢控定額罰款1,500蚊。
其後安仔送女伴去紅磡火車站，再獨自揸車返何文田寓所，途中佢違規狂煲電話粥，最高刑罰可罰款2,000蚊。身犯三宗罪嘅安仔喺寓所附近發現有記者，居然放棄返屋企，反而掉頭離開，行徑奇異。
《第一宗罪 胡亂拋煙頭》
安仔約長髮女伴喺銅鑼灣消遣後，仲充任柴可夫送佢去紅磡
《第二宗罪 駕車講電話》
《第三宗罪 違規向右轉》
戴住cap 帽嘅許志安（右）早前夜蒲，並嗱車接載女性友人。
