呢次好好彩！真實對白
港姐4號高海寧被封大話精，上星期再被本刊踢爆賽前影裸照，唔認又認，無線大方冇叮佢出局，不過形象落谷底，想嗱三甲超難度，大獎無望，惟有奀獎搏命。
上週四（3日）準港姐到珠海選旅遊大使，戰鬥格高海寧，鮮紅deep V 舞衣大跳拉丁騷身材，康泰主席黃士心嗒晒糖，仲畀佢8分。記者仲偷聽到黃士心笑住同朋友講：「佢（高海寧）夠綽頭呀！」轉頭對記者就變版本：「我冇睇過佢啲新聞（裸照），不過人最緊要向前望！」
往績參考，康泰旅遊大使前年徐淑敏、去年何傲兒，同樣是非多但三甲不入，今次裸住贏的高海寧，要向前望，望到乜呢？
為髮型拍造型照都可以半裸上陣，真係夠綽頭，難怪康泰老闆黃士心畀佢win 啦！
住何文田嘅高海寧話：「正式嘅跳舞鞋$1,300對，太貴喇！」所以同阿媽去咗女人街買咗對$150鞋仲順手買埋把$20扇。忽然慳家，唔扮上等，好事！
11號馬賽同樣表演拉丁舞，可惜件衫唔夠性感又冇乜綽頭，輸都係好合理嘅！
雖然半裸照被公開，不過高海寧仍有奀獎嗱，佢就慶幸話：「好開心啦，呢次真係好好彩。」其實佢應該慶幸阿媽生成佢34D 好身材啫！
張舒雅
倫紫玄
黃士心張分紙入面，除咗高海寧有8分外，3號張舒雅都有8分㗎！點解都贏唔到？咪就係唔夠綽頭咋！
原來喺黃士心眼中2號倫紫玄美貌同儀態得4分，而3號張舒雅就靚佢好多喇，有8分！
分紙曝光
徐淑敏當晚著住low cut 晚裝，加埋甜到漏笑容，坐隔籬嘅康泰老闆黃士心（左）又點會唔冧呢！
雖然何傲兒係07年康泰旅遊大使，不過一個廣告都冇，反而08年最新電視廣告，同埋官方網頁，全部都係由06年得主徐淑敏擔正。
廣告有份
07年旅遊大使何傲兒，冇得坐老闆隔籬，又唔使做評判，可以全程勁食都冇人理。
