我咁多是非，梗要隨機應變啦！（設計對白）
4號高海寧力拋33C 心口，唔計樣，身材的確贏晒。
上星期五（六月廿七日），十二位候選港姐拉隊去番禺長隆水上樂園拍外景，大熱是非佳麗4號高海寧例牌力挺33C 心口，加上玩水上遊戲時意外扭傷頸，大會要即場安排治療師幫佢按摩推拿。
大好良機，眼見愈來愈多鏡頭隊住影，原本一直有講有笑既高海寧睇準時機，掩面作痛，七情上面。
先笑後痛
有身材之外，仲要有計。高海寧玩水上活動傷頸，
事後由醫師即場治療，見到鏡頭隊住影，佢即刻由笑容滿面變揞面作痛苦狀。
港姐鬥靚開始進入直路，暫時被外界看成大熱有，左起：1號文柏姿、4號高海寧同11號馬賽。
幾靚幾叻都好，如果腰腩肉過剩，都會影響外觀分數，6號陳倩揚（左），小心d啦！
十二位佳麗排排企合照，一班泳褲男亦企好位，落足眼力。
高海寧一枝獨秀，唯一可以同佢分庭抗禮既唔係其餘十一個對手，反而係當日身為主持既師姐呂慧儀，事關同場拍外景既港男10號黃文迪係佢男友，六舊腹肌身材，亦係港男中至殺食一個。
有緋聞互動，即使呂慧儀比堅尼不及33C 湯碗高海寧咁好肉，一樣打成平手。
身為港姐前輩既呂慧儀是日比堅尼登場做主持，雖然俾師妹高海寧身材擊倒，但同場有10號港男男友黃文迪晒肌幫拖，港男港姐拍拖，搶到分。
點睇都唔似得20歲既4號陳冠標，搶鏡招式特別多，收腹屹籮拉弓動作，係佢先做得出。
今屆肌肉男特別多，除左4號陳冠標（中），仲有12號朱允崇（左）及來自紐約既海外猛男3號溫家偉（右）。
叫得「奀茄金城武」，8號何君誠瘦削身形的確係港男中最奀一個。小心整親呀老友。
港男剃毛谷肌
陰陽調和，睇完港姐，睇番港男。上星期三（廿五日）一班猛男向尖沙咀健身中心見傳媒。當中幾乎逼爆背心既「少年組」20歲陳冠標，擁有46吋巨胸，加上自創拉弓甫士同剃得一乾二淨既格肋底，令佢成為當日風頭躉。
由於今屆大隻佬特別多，令有「奀茄金城武」之稱既何君誠變得尤其獨特，佢為左證實自己瘦一樣有料到，即場玩舉重。
港姐鬥靚鬥身材，港男就出少分力都唔得，果然男女有別。
