今屆香港先生質素高，先有同呂慧儀傳緋聞嘅黃文迪（Dickson ），再有由美國新鮮運到嘅爆肌竹昇仔，件件有話題。
不過玩乜都唔夠外號叫「奀茄金城武」嘅H 何君誠（Quinn ）出位，事關做開model 嘅何君誠一年前影過超激泳褲相，最凸寫真睇到嘩嘩聲，原來大家之前睇錯晒，佢個朵應該叫做「大茄金城武」。
其實出得嚟選，預咗俾人翻舊賬，高海寧唔明，「大茄先生」就醒話當普通job 咁接，成個感覺即刻大方晒，8月2日港生決賽，各位姊妹嗌多兩聲唔該！
07年5月長毛排骨
當時何君誠以英文名Quinn To 接job ，著住條粗邊白泳褲嘅Quinn 一年前瘦到得棚骨，不過佢就好自信咁盡顯所長，有好嘢怕乜畀人睇？
年齡：24歲
身高：5呎11
體重：140磅
三圍：37、30、38
未執前蓬鬆烏wear
岩岩入到圍嘅何君誠仲未執好個殼，最慘係長髮稀疏、鬚根都未剃淨，講真唔算出眾。
改造後斯文白淨
冇鬚根、頭髮剪咗層次，成個人即刻陽光晒，狀態開始返埋嚟。
$1,760嘅價錢請水著model 嚟講唔算特別平，其實影相時仲有另一索模同場，不過當日Quinn 好文靜冇乜同人吹水。
企喺（右起）溫家偉、陳冠標和朱允崇3位最大隻嘅港男側邊，何君誠（左一）自知比唔上，慳番啲力笑吓算。
扮可愛
反正谷到行都係得棚骨，行唔到大隻路線惟有向搞笑發展吓，睇佢呢個表情，唔通啲女真係受？
8號何君誠$1,760任影
何君誠（Quinn ）未參選前在Starzpeople 做男模，去年5月為本刊拍攝泳褲相，雖只收一般男模水著價$1,760，要曝曬又要攀石算係辛苦錢。當時阿Quinn 性格有啲內向，除要埋位開工時溝通，其餘時間都瑟縮一角少講嘢，對於影激相，何君誠說：「都係工作一部分啫，著乜要睇番個job 嘅性質，不過全裸應該唔得啦，呢輯相應該係我最後底線。」
《蘋果日報》圖片
住得偏
何君誠連住都特別過人，有冇聽過下巴山村呀？原來喺石崗㗎！不過問佢點解住得咁遠，佢竟然話：「呢個問題唔答得你住。」
借人車
最初俾人影過揸車接其他港生走人，週日卻發現架92'Toyota Starlet 原來係借朋友，住到咁遠，買番架車代步好喎！
拍MV
06年用藝名涂俊拍過容祖兒〈愛一個上一課〉MV ，問佢點解用藝名，又係過句：「暫時唔答住！」吹脹！
疑似有錢仔的Andy ，20歲淨睇身形都算有下過苦功，但講到facebook 內攬女相就即時O 晒嘴，啲急才真係差咗啲！
今屆港男衣著簡單，Andy 就唔同啦，隨便入Hugo Boss 買條牛仔褲都成$1,500，12個港生中，叫做最有米喇！
2號招天佑富貴黐星
招天佑（Andy ）應該屬於有啲貨，事關佢在facebook 內放咗好多明星合照同攬女相，出入LV 、Diesel 名牌party ，中學讀富貴耀中國際學校，之後放洋多倫多，屋企少個錢都搞唔掂！不過參選後Andy 已經將啲夜蒲攬女相剷走，週一（上月30日）問佢點解要咁做，招天佑呆咗唔識答：「吓？攬女……（定咗十秒）啲相……（又十秒）……」口才似乎差咗啲。
入到LV party 玩，黐到胡杏兒仲可以同有錢仔王賢誌（右圖中）合照，王賢誌話：「我知佢選港男，不過覺得好好笑咋，估唔到佢咁大膽。」
連體肌男互餵奶
今屆香港先生大隻仔中最順眼算係兩位美國回巢嘅肌男Alan （溫家偉）同Michael （朱允崇）！佢哋之前俾人影到一齊返Alan 的美孚私竇，到週日（上月29日）兩人又約埋其他港男一齊做gym 睇戲兼買大隻奶粉，Alan 仲要開埋奶畀Michael 飲，兩人友誼應該好永固，問到點解咁老死，Alan 就例牌話：「呢啲嘢暫時唔答住！」吓？唔通選完有勁嘢爆？
3號溫家偉
大熱孖星之一嘅溫家偉（Alan ），21歲雖然大隻得嚟有少少肥，但講樣貌cute cute 哋，喺少年組佢殺晒，可以話坐亞望冠。
12號朱允崇
23歲朱允崇（Michael ）現居住北角半山腳丹拿花園，問佢點解同Alan 咁friend ，佢又係話：「暫時唔講住。」標準答案都諗吓新意好喎！
買奶粉
Alan 即沖
Mic 即飲
兩位大隻仔難得有空行街睇粵語版《功夫Panda 》，順便買增肌奶粉，Alan 仲要即買即沖畀Michael 飲，細心到呢！
呂慧儀男朋友Dickson 年屆30，成身肌肉竟然仲當眾擺美媚姿勢，睇吓長腳蟹個樣幾high 。
10號黃文迪谷肌餵蟹
上週六（28日）港姐在長隆拍外景，成班港男亦水著齊齊玩水，咪睇呂慧儀的緋聞男友黃文迪（Dickson ）平時密密實實唔多除衫，身形原來最鬼fit ，8嚿腹肌十足王小虎咁，長腳蟹識食喎！
6號羅天宇大細胸
港生個個爭住除衫騷肌肉，係得靚仔羅天宇好鬼唔自然，原來佢話雞心位凹陷，所以搞到大細邊唔好睇，20歲仔仲好怕醜咁話：「我個胸肌邊大邊細唔好睇，盡量都係著番衫啦！」
著Baleno 面試都入圍嘅羅天宇（Joey ），喺澳洲做過吓model ，講著衫佢就好老實：「我唔識㗎，見乜都著，真係冇乜研究。」
