我哋唔係好大咬啫！設計對白
Janice Man 20歲女皮膚滑嘟嘟，原來有個開美容院嘅神媽日日幫佢做facial ，想皮膚唔靚都難。
嚫界女神Janice Man （文詠珊）樣靚皮膚好迷死仔冇錢賠，不過女神天生麗質都要保養，背後原來有個開美容院嘅女神媽（Shirley Yip ），日日幫阿女做facial ，女神想唔靚都難。
有個女神乖女，神媽當然好好利用，美容院搵晒乖女做生招牌，雖然產品貴過同區美容院一倍，不過生意一樣唔憂做。
Janice Man 搵到錢仲識帶挈埋阿媽，呢啲咪叫叻女咋！
我要返去check 吓先。真實對白
神媽sell 客
電咗個爆炸頭嘅神媽Shirley 間美容院，位於旺角一商業大廈16樓，面積約800呎裝修普通，做facial 一次250蚊唔算貴。每當有客，女神媽必定親力親為落嘴頭，日日做足十粒鐘，辛苦錢嚟㗎！
出樣撐 美容院的價目表大部分用Janice Man 做生招牌，職員仲話：「Janice Man 咁忙，近排好少見。」
美容院樓下嘅燈箱，當然都係搵番乖女做生招牌！
JaniceMan 母親的美容院位於旺角彌敦道鬧市，大廈燈箱及門口兼店內宣傳單張全部係女神大大個嘜頭，而Janice 亦於自家blog 內登埋阿媽間美容院，實行幫阿媽谷行宣傳。
Janice Man （右）成家感情好，不過阿爸好低調，早前成家人食飯，只見阿媽同細佬（中）蹤影。
貴人一倍
據知女神媽喺美容界打滾廿幾年，雖然店內美容用品比同區美容院貴成倍，不過女神媽同公司職員
客有一手，嗱住啲產品力sell ：「原價八百幾蚊㗎，買兩支畀個優惠你千五蚊，好多大醫院同人做完激光都用呢隻B5㗎，不過佢哋轉咗包裝之嘛！」溝通技巧似乎叻過成日講錯嘢嘅乖女好多。
據店內職員稱，自從Janice Man 走紅後已甚少上門做facial ：「佢近排好少上嚟啦，佢媽咪做咗呢行20幾年，細細個珊珊（文詠珊乳名）都係工人湊，佢媽咪就全力做美容院生意啦！」
對於有傳女神掛住做模所以讀書唔好，女神媽接受訪問時大力撐住，不過問到美容院食水深，女神媽就唔多肯講。
F ：FACE 葉：女神媽Shirley Yip
F ：Janice 賑災講錯嘢，你有冇安慰佢呀？
葉：有，我同佢講經一事長一智，佢仲細嘛，大家畀個機會佢啦！
F ：Janice 中五就做model ，係咪咁所以讀書成績差呀？
葉：係，佢中五開始做model 。你點知佢成績差呀？佢成績我滿意㗎！
F ：不過妳公司啲護膚品賣貴人一倍喎，係咪養仔女用好多錢呀？
葉：養大仔女係父母嘅責任。至於啲貨賣貴咗，我要返去check 吓先。
對於有關女神媽及美容院嘅事，Janice Man 有啲火咁話：「我屋企人嘅事唔想講。」母女同心，遲啲美容院分拆再上市，想生仔張玉珊都要讓位。
落嘴頭
職員用兩小時極力游說記者買護膚品，記者講到口水乾先肯由原來800蚊１支嘅保濕精華素減至750蚊，但價錢仍比同區貴成倍。職員仲話：「真係冇得賺㗎啦！」
貴近倍
記者在神媽美容院Union Beauty Centre （左）買咗兩支精華素，平均1支要750蚊，但到同區嘅美容院（右）買番同樣嘅產品，價錢幾乎平一半。
原居地
女神話同男友喺荃灣朗逸峰半同居，其實女神原居地喺荃灣梨木樹村，屋村女神幾親民呀！
變身車
上星期父親節，男友李冠峰專登揸埋架價值超過30萬嘅Benz B200接女友，不過男友一打開個車尾箱，見到全部係紙皮箱之餘，仲有成排cap 帽列晒隊，梗係方便女神變身啦。
