自從娥姐（關詠荷）4月離隊後，《同事三分親》收視每況愈下，TVB 立即嗌救亡，最近有傳搵咗視帝陳豪同大契李司棋加盟之外，最理想嘅梗係娥姐復出啦！媽咪姐八到，話曾勵珍
到口水乾，娥姐依然拒絕，原因仍然嗰兩個：1.湊女，2.準備生多個。
講真，女人到咗咁上下年紀，的確係會以家庭為重嘅。早幾日，媽咪姐就見到娥姐帶住愛女去遊樂場玩，雖然有保母同行，但娥姐母愛氾濫，湊女事事親力親為，又跪又
，忘形露底，都係只為博囡囡Brittany 一笑。
兩母女大晒親子騷，但全家福獨欠老竇張家輝，唔通家輝有嘢做？點知呢頭玩到成身汗嘅娥姐抱女入屋唔夠幾分鐘，張家輝竟然同司機、菲傭坐車出街買飯盒，屋企只離市中心兩分鐘，最離奇係家輝買完飯盒，一個人就響車度狼吞虎嚥。家輝買飯盒自己開餐，唔預老婆囡囡，咁留響屋企嘅娥姐又食乜呢？最最離奇係，家輝食完飯盒，又原車車返番屋企！！！真係夠吊詭。
家輝呢個怪行，媽咪姐真係搲晒頭諗極都唔明，要花啲時間繼續打聽吓。不過佢兩公婆連同檯食飯都懶得做，想生仔？有難度！
最新消息
由於娥姐堅拒歸隊，TVB 最終決定7月完結《同事三分親》，另拍一套以雜誌社為背景嘅處境劇，《同》劇嘅江欣燕、王祖藍、郭少芸有得留低，仲有老牌粵語片女星吳君麗出山，而女主角就係……登登登櫈——欣宜！
娥姐全程對囡囡非常緊張，雖然響公園，但娥姐經常抱實囡囡，甚少俾佢落地跑跑跳跳。
湊女露底 囡囡玩到攰坐響地，娥姐
低
佢起身，露出大底都唔理。
獨自呀飯 家輝落車去銀行搞完手續，即刻撲番上車。
張家輝兩公婆對上一次齊齊出現，響3月初出席肥姐嘅追思會。
