陳君宜最愛在外國旅行時買鞋，「我要著三十九號鞋，有時要到外國買。」
全港港女，包括記者在內，連發夢都想做徐子淇，能夠買幾十萬鑽勞戴，幾十卡首飾招搖過市，每天過喺買買買的少奶生活。
天胡唔易食，但能夠像同是模特兒出身的徐子淇密友陳君宜，搵到個過億身家炒樓富商男友鄭躬明，都夠人羨慕。四年來，她穩守正印女友的地位，撒手
之一，凡事以男友為先。與其說她的職業是模特兒，不如說她的正職是鄭躬明女友更貼切。「男友鍾意人陪，如果我放太多時間在自己想做的事，會忽略了他。」
陳君宜慶幸自己能當模特兒，收入比同學只當設計師助手的三千元高出幾倍。目前，她計劃替姪仔的時裝店設計女裝，一償設計師的心願。
上月底，她又再陪徐子淇出席卡地亞晚宴，兩個女人的話題係乜？她戰戰兢兢地話：「都係講湊女，不如唔好講佢，費事啦。」
聽教聽話
陳君宜生得高頭大馬，有五呎八吋高，但說話陰聲細氣，有別一般港女吱喳懶巴閉的性格。她由內到外，身形、衣著、興趣或生活習慣，都顯然為討好男友，有時男友諸多要求，小事都挑剔，陳君宜都視為理所當然。
「拍拖初期跟他出外食飯，我習慣節食，他頂不順說︰『有無搞錯，你係咪人嚟㗎？食兩條菜就飽？』我知他是個愛吃之人，得他一個人食會悶，我唯有陪食，依家我食大個胃，他便嫌我肥，我咪節食，現時每天到會所跑步一小時囉。」
出外用膳又肥又膩，陳君宜偶然想吃清淡的住家菜，甚至想學烹飪給他驚喜，卻因為鄭躬明從不愛留在家吃飯打消念頭，她沒趣地說︰「佢叫我唔好煮垃圾俾佢食，但每次出街諗食乜都好
。」
四十九歲的鄭躬明，跟三十歲陳君宜絕無代溝，潛水、去ball 都黐到實，「我哋成日見都唔覺悶，無謂嘢都會講一餐。」
, GetJetso.com 飲食優惠..
志趣相投
男友愛滑雪、潛水或打哥爾夫球，她都學埋一份，她自言是個好動的人，戶外運動無所不歡，與男友夾到痺。她自豪地告訴記者，這種「犧牲」並非個個女友都肯制，「他的朋友讚我抵得諗，一星期我陪他打足五日波，真係曬到癲，我肉痛皮膚曬到成
炭，但終有一日會白番嘛。」又係嘅，可到菲律賓潛水，日本滑雪，玩盡高消費玩意，又可黐住男友，一舉兩得。
但很多時為遷就遊埠檔期，她要推掉不少模特兒工作。她知道有同行在她背後唱她「釣了金[龜使乜做？」聽者自然難受，「我有同佢反映，但佢無出聲，如果再講，他會說：『你不要跟我拍拖。』不過好多嘢唔可以賴晒佢嘅。」
身為家中孻女的陳君宜，父母曾開酒樓和塑膠廠。她在理工大學唸時裝設計，畢業後便全職做模特兒，更曾靠此維生，現在少開工，她想過開時裝店，可惜男友不支持，最後又不了了之。「他嫌小生意無肉食，唔通仲要自己落鋪咩？細又唔俾我做，大生意我邊做到？所以好多時諗完就算。」
她為纖體公司拍廣告，「男友話健康性感都OK 。」
, GetJetso.com -門票優惠..
與男友拍拖後，她偶然才客串行花生騷，圖為去年她在會展行婚紗騷。
, GetJetso.com -信用咭著數..
陳君宜的父母與鄭躬明關係良好，經常見面。
陳君宜說受母親影響，自小已很貪靚。
, GetJetso.com..
要忍得
有人說男方比女方年長，會比較有情趣，鄭躬明比她大廿年，但最基本的你氹我，我氹你的小情小趣，鄭躬明都欠奉，幸好當事人看得開，「他好少俾我驚喜，每次都係同我一齊行街，知我鍾意就會買，就算是情人節，他都是直接問我想要乜，然後一齊揀。」
她坦言欣賞男友夠老實，花言巧語反欠缺安全感，「佢份人好坦白，離過婚有四個仔女，甚至自己有女仔埋身都講你知，他不怕我嬲。」不論有心或無意，陳君宜還是自我安慰一番，「如果他成日收埋，我反而要估估吓，聽完係會唔開心，但寧願唔開心，好過他是大話精。」
跟官咁耐要知官姓乜，陳君宜跟男友相處多年，自然懂得避重就輕，「我都幾忍得，係不忿氣㗎，但我忍到。他不愛女友為小事嘈吱巴閉，咁我唔嘈囉。無論事情幾不願意，我都忍一排，甚至攤抖個幾月後才講，始終拗交傷感情。」明顯她緊張男友，處處維護。
, GetJetso.com -股票討論..
當日戴了男友送贈，價值三十萬的白金Daytona 的她，從新買萬七元的Prada 袋內，拿出附屬黑咭找數（右圖）。「我唔會亂嚟，唔係貴先會買。」
唔逼婚
女友受氣，鄭躬明不懂口甜舌滑氹女友，但就會帶她購物補償。陳君宜自認是購物狂，拍拖初期一見衫、袋、靚鞋就買，直至近年名牌愈買愈貴，驚覺物非所值，購物慾才大減，「唔通日日行街咩？成日買嘢都悶啦，買咁多都著唔晒。我並非必要買名牌，銅鑼灣boutique 幾百至千多元嘅衫都幾抵著。」
, GetJetso.com -股票討論..
二人感情穩定，女方又三十歲，何不疊埋心水做少奶？「我同佢一齊開心就夠，男人結婚為生仔，他都有四個仔女，我又不想生，湊仔好煩。結咗婚都可以離婚啦！依家仲有安全感。」
