魚生切得大片，甜蝦亦算大隻，唔會次次一啖食晒，到喉唔到肺。而且上枱時夠光澤，鮮甜味亦足，無雪水味。
去茶餐廳，唔係加價就係減分量；去街市，個個都話百物騰貴，生意越來越難做。衣食住行乜嘢價格都不斷加、加、加，你可以理解點解安信兄弟咁多廣告。
想慳得一蚊得一蚊？未必要降低生活要求來遷就。如此時勢，竟然有餐廳逆市推出優惠招生意。唔使傾家蕩產，又唔使刻薄自己。
和牛壽司薄薄一片，未至於入口即溶，但確實軟腍，且牛味濃，肉汁令壽司飯更加香口。
吉壽每月都有不同優惠，好似現時至七月尾，就有北海道馬糞海膽及印尼燕窩壽司送。平時散叫都要$98，超抵﹗
和牛串燒和牛厚肉，輕輕燒過最好味。怕生的話，七成熟仍然嫩口多汁。
北海道牛乳海鮮鍋都有得食，奶味香帶甜，令海鮮多了份滑，女仔至愛。
中環加日本菜，一般來說，只想到個「貴」字。但在新開的吉壽，只須百幾蚊就可在晚餐時段任點任食近百款日本料理。餐廳位於The Loop 7樓，長廊形間隔，是有點狹窄感，但座位有柱子隔開，增加privacy ，不像一般任食店嘈雜，加分！
至於食物，選擇算多算吸引。最欣賞魚生，新鮮又大片。提議壽司和串燒都主攻和牛，軟腍多汁，牛味亦濃。另外還有天婦羅、沙律、冷麵和鍋物等，大路和創意料理都有。餐廳大約可容納七十人，廚房有近十個水車屋班底廚師坐鎮，出菜快。抵讚的還有五款汽水毋須加錢任飲，唔怕失預算！
日式任點任食愈來愈多，當中吉壽肯定是OL 至愛，睇佢晚晚滿座就知。最正係就近老蘭，可以填飽肚至去蒲，花費都無幾。
吉壽
價錢：星期日至三6pm-8:30pm $158/ 8:45pm-11pm $148；星期四至六6pm-8:30pm $178/ 8:45pm-11pm $168；小童任何時段均$98
地址：中環威靈頓街33號The Loop 7樓
電話：35863773
營業時間：12nn-2:30pm / 6pm-11pm
泊車：中環中心$22/ 小時
