自從本地模特兒界被兩名「疑似」日本妹攻陷之後，香港於90年代曾掀起一陣嘅「崇日潮」彷彿又再死灰復燃。碰巧，曾一手捧紅「台灣咪神」林志玲嘅唐安麒接受日本美容界的邀請，過東瀛教授當地一些模特兒瘦身療程，於是順道在日本尋找品牌代言人，代替林志玲、林嘉綺。
面試三日，竟然吸引咗四百個水著㗎妹應試。
上圍爭少少
側面最似
我都上岸咯，你哋慢慢爭啦！（設計對白）
㗎妹林志玲
姓名：Akina
年齡：22歲
三圍：33A 、24、34
芸芸眾多面試日本模特兒當中，以呢位63號璃菜Akina 最為突出，除咗因為身材高
平均外，更因為貌似林志玲而成功入圍進行第二輪面試。
森川裕希惠呢套細兩個碼嘅Bikini ，令佢上圍極其突出，不過睇落過分堅挺喎。
大咪陳敏之
姓名：森川裕希惠
年齡：22歲
三圍：36F 、24、35
今年22歲嘅森川裕希惠個子雖小，但憑住其清純面孔加上包唔晒嘅魔鬼身材，就令在場人士留下深刻印象。
混血版周迅
姓名：Rien
年齡：21歲
三圍：33A 、23、35
現於日本大學法學部就讀的21歲Rien 為上海出世的中日混血兒，貌似周迅嘅Rien 入圍應該冇難道。
面試過程其實只係著住泳衣行到評判唐安麒面前轉兩個圈，較有準備的模特兒更會親手遞上自己的履歷，面試時間約一分鐘。
上星期二（17/6），唐安麒親身去到日本東京代官山，為數百水著模特兒進行一連三日的面試。分別來自日本四十多間模特兒公司，超過四百個日本本土模特兒，於早上十時已經由經理人陪同到面試場地。首日第一輪面試，各模特兒要以三點式泳裝示人，各佳麗高矮肥瘦均盡入眼簾。問到唐安麒對代言人嘅要求，佢就表示：「最重要有天使面孔、魔鬼身材，同埋一定要有氣質，唔需要完美。最好有可塑造嘅空間，例如腰要有少少肉、胸又唔係咁firm ，咁就最好喇！」見盡四百位㗎模後，發現佢哋未必靚得過香港班模特兒，但論專業程度，㗎模贏成條街，至少冇港模會著成咁去面試先啦！
經過第一輪面試後，唐安麒翌日再安排二十四個入圍模特兒作第二輪面試，並一一面對面傾談。圖中的女模大崎Risa （左），曾經獲得國際小姐名銜。
㗎模叫價高
這次共有兩輪面試，選出擔任代言人身價約為500萬日元（約港幣40萬），如果該模特兒曾經為時裝雜誌擔任過封面女郎的話，收費則為800萬日元（約港幣64萬）。
之前，唐安麒更曾經跟日本頂級模特兒包括Leah Dizon 及Lena Fijii 等聯絡，但對方叫價竟高達3,000萬日元（約港幣240萬），認真
脷。
唐安麒說：「有部分模特兒都唔係好滿意，尤其係染金頭髮過啲。不過有幾個模特兒都唔錯，好有氣質，依家同佢哋傾緊。」傳聞林志玲出嫁在即，難怪唐安麒搵人都要加多幾錢肉緊啦。
面試實錄
面試當日有四百名日本模特兒到場等候，甚至排隊排到出戶外。不過身為模特兒，有啲應徵者其實都幾冇儀態。
面試時，模特兒分批換上Bikini 在門外等候，並由工作人員個別叫名進入。見佢哋個樣咁緊張，就知對今次面試幾咁重視。
完成第一日面試後，唐安麒與主辦單位的主持人立即將各應徵者的相片打印出來，經篩選後於翌日再進行第二輪面試。
有紋身即壓價
日本模特兒雖然出名夠搏，水著或睡衣都絕無say no ，不過如果模特兒身上好似樂基兒同Angela Baby 咁有紋身嘅話，就算樣有幾靚身材幾正都好，都會被降價。
朱玲玲
日本老翻之選
露點朱玲玲
姓名：Ako Ito
年齡：24歲
三圍：37G 、24.5、37
身形圓潤、有「翻版朱玲玲」之稱嘅Ako Ito 因著了一件不合身嘅泳衣亮相，仲唔覺意露點添！
梁洛施
翻版梁洛施
前兩期本刊介紹過的日籍模特兒田村王留依子（Tamura Ruiko ），都有參加今次面試。穿著日式浴衣的她勁似梁洛施。
熊黛林
細粒版熊黛林
姓名：春木亞希
年齡：22歲
三圍：31A 、22、32
「細粒版熊黛林」青木亞希比正版熊黛林身材矮小得多，不過其面形及笑容的確與正版有幾分相似。
日本騎呢之選
模界咕嚕
唔好以為日本妹一定正，好似呢位有混血兒血統嘅Nadine ，過分瘦之餘仲凸肚，有幾分似電影《魔戒》入面嘅「咕嚕」，最後梗係落選啦。
涉谷女郎
面試模特兒之中，好多都係走「涉谷女郎」look ，即染金毛加棕色皮膚。呢個款喺日本已經開始out ，當日面試，各涉谷女郎都第一時間被foul 出局。可憐香港嘅Janice Man 仲係走呢條路線。
喺呢位模特兒嘅profile 中，講到明有i-cup 上圍。
日本乳牛多
唔知係咪日本嘅營養特別好，定係日本嘅「再造人」技術發展成熟，能夠令日本嘅女生胸部發展特別驕人。個面試女生當中，就有7個擁有34吋C cup 或以上，更加有女模於profile 上，列明自己胸圍有I cup 。I cup ？究竟佢哋食咩奶粉大㗎？
