當日蕭定一經常金睛火眼
實Chrissie ，即使她突然要聽電話，蕭都好緊張眼厲厲。
上圍擁D Cup 、有「A 貨樂基兒」稱號的周秀娜（Chrissie ），日前與正版樂基兒同場後，隨即聲名大噪，還未有經理人的她，更獲得多間公司垂青。
一向有鋪A 貨癮，曾免費為「翻版容祖兒」整容的蕭定一，據知對Chrissie 甚感興趣，有意簽她為旗下藝人，更考慮找她加入組合Freeze ，搞隊港版女F4，擺明車馬sell 性感。
多隻香爐多隻鬼，惟恐分薄資源的Freeze 當然企硬，成員之一甄穎珊更揚言：「總之Freeze 係三位一體，有佢（Chrissie ）冇我哋！」
雖然蕭定一與Chrissie 首度會面，但Chrissie 對蕭完全沒有戒心，拍住行與他密斟。
密會30分鐘後，二人便秘密進入蕭定一位於灣仔的愛群商業中心的辦公室。
周一（23日）下午5時，記者拍得有「A 貨樂基兒」之稱的周秀娜（Chrissie ），穿上低胸上衣和火紅色長褲現身銅鑼灣。之後她便進入一日本餐廳，與一男一女會面，其中一人正是「變靚D 」老闆蕭定一。
Chrissie 的32D 身材，如果成功加入Freeze ，定必搶去不少鋒頭。
本月13日，Chrissie 以bra top 上陣與樂基兒出席手錶活動後，頓成傳媒焦點。
傾約邀試音
記者眼見蕭在席間滔滔不絕，向Chrissie 介紹自己公司背景和運作。二人密會30分鐘後，蕭便提議她到自己位於灣仔的辦公室試音。
之後二人並肩而行，其間Chrissie 活像開籠雀，主動向蕭定一問及有關合約問題，看來二人的經理人合約傾得有點眉目。據知蕭除有意簽她為旗下藝人外，更打算把她調入組合Freeze ，塑造四女成為港版女F4，以性感姿態闖歌壇。蕭身邊人士說：「阿一不嬲對有身材女仔好有好感，加上Chrissie 係真材實料，所以阿一好想簽佢，而佢亦都想Freeze 加入新成員製造新鮮感。」
除「變靚D 」外，據知現時有多間娛樂公司向Chrissie 招手，包括英皇、美亞、星皓等。其中英皇經理人Mani 說：「有潛質嘅人我哋會考慮。」至於星皓老闆王海峰亦曾與Chrissie 見過面，但當時被Chrissie 的一把老牛聲嚇窒。
Freeze 杯葛新女
有人突然殺入爭食，出道僅一年的Freeze 當然要企硬，拒絕有外來人入侵。其中甄穎珊聽罷此消息後心火大盛，「如果要加入Freeze 就真係唔得，呢隊組合三位一體，我哋好辛苦由好多人憎我哋，捱到依家得到少少人認同，所以有佢（Chrissie ）冇我哋。」至於另一成員陳樂榣（Alley ）則對自己充滿信心，肯定老闆唔會隨便嗌加人，她說：「Freeze 係佢（蕭定一）嘅全部，佢咁大個人識得諗，唔會亂嚟！不過我就覺得Chrissie 完全唔似樂基兒，我唔太鍾意佢呢類樣，所以冇特別深究佢。」
Freeze 聽到Chrissie 有機爭地盤後，便異口同聲say no 。陳樂榣（左圖）說：「冇留意Chrissie 。」而甄穎珊則直話直說：「佢加入唔係咁好。」
甄穎珊說：「今次陳奐仁幫我哋作曲，首歌好有亞熱帶feel ，所以想學肚皮舞配合番。」
整容三嬌
事業突現危機，Freeze 惟有出招抗衡Chrissie ，自費請人教跳肚皮舞，成員之一Suki （左圖中）說：「冇理由又跳番上次過類舞，要玩啲新嘢。」
《台灣壹週刊》圖片
台灣巨乳F4
女F4在05年成立，由4名擁有F Cup 身材的台灣女子組成，當時深得廣告商歡迎，看來蕭定一是想打造一隊香港女F4。
