李心潔出席完電影宣傳活動後，即與友人到Sogo 2樓女性內衣部訂購胸圍。記者發現佢對新款嘅push-up bra 特別有興趣。
李心潔與導演男友彭順自02年開始拍拖，多年來一直感情穩定，彭順更揚言一兩年內娶心潔過門。不過，去年有雜誌影到彭順暗中帶索女model Kama （邦民女羅凱珊）酒店夜會，令感情出現紅燈。
雖然李心潔表明堅信男友，但今年已年屆32歲的她又怎不暗暗擔心？本刊發現李心潔正努力「自我增值」，本周日（6月8日）於銅鑼灣街頭出席完電影宣傳活動後，即與友人到商場買push-up bra ，返屋企時仲要買個大木瓜「進補」。又難怪，Kama 身材豐滿，點到「平平無奇」嘅心潔唔擔心？
本周日（6月8日）李心潔於銅鑼灣街頭為新片《深海尋人》做慈善義賣，當日有唔少市民捉住心潔影相，不過真正肯嗱錢出嚟做善事嘅人並唔多。
03年，台灣傳媒影到李心潔和彭順在台北微風廣場拍拖，事後李心潔大方承認戀情，可見佢真係戀愛大過天。
42歲嘅「鬼王」導演彭順自02年拍畢《鬼眼》後，即搭上片中女主角李心潔，兩人在03年更於大坑共賦同居，多年來感情穩定，二人更多次
手合作拍鬼片，夫妻檔味道十足。
不過，去年彭順被雜誌影到帶Kama 到酒店夜會，令兩人感情亮紅燈。雖然男友立即陪返馬來西亞家鄉度假補鑊，李心潔亦原諒對方，可惜二人之間始終有條刺，連原訂於今年結婚的計劃亦要押後。上星期她接受訪問時更說：「我們（與彭順）感情很好，但暫時真係冇結婚嘅打算。」
要強好勝
據心潔的朋友指：「無論佢（彭順）有冇偷食都好，但心潔係一個好識得保護自己同好好勝嘅人，佢肯定唔會同男友喺呢個moment 分手，即使男友有第二個，佢都一定會努力搶佢返嚟。」
本周日（6月8日），記者發現需要留港宣傳新片《深海尋人》嘅李心潔，趁男友彭順在泰國與郭富城拍攝《風雲2》期間努力自我裝備一番，除不惜工本地到專賣歐洲名牌內衣嘅Private Shop 訂購push-up bra 外，返回大坑同居愛巢時，還在路口的生果檔買了個大木瓜回家。
李心潔自出道以來都係sell 樣sell 演技，身材從來都不是賣點，要同身材豐滿嘅Kama 比，惟有食木瓜以爭一日之長短啦。
33B 羅凱珊
邦民女Kama （羅凱珊）身材惹火得來又夠年輕，難怪佢甚得彭大導歡心啦！
點解我得32A?（設計對白）
彭順同李心潔合作親都係拍鬼戲為主，因此心潔一向都係sell 演技唔sell 身材。不過李心潔上圍可能仲細過彭順，佢真係唔補吓唔得啦。
訂完胸圍後李心潔返回大坑愛巢，換過衫後嘅心潔一身街坊裝落樓去飲咖啡，不過佢套街坊裝真係好求其吓喎。
飲完咖啡後，佢四圍逛咗一陣就返屋企，行過生果檔，仲特地買咗個木瓜，而且好環保咁唔用膠袋添！
因為男友關係，李心潔近年都是在香港定居，並雙雙住在大坑雍藝軒。
環保唔用袋
上年6月，本刊影到葉童到Private Shop 訂內衣，可見這家店很受名人明星歡迎。
Private Shop 多星撐
李心潔光顧的Private Shop 是頂級歐美內衣專賣店，旗下品牌如Princessetam.tam 、Lejaby 、Huit 和KOOKAI 等全是歐美內衣的時尚潮流。無論蕾絲定push-up bra ，價錢由三百至千多不等，豐儉由人。由於款式及品牌眾多，所以吸引唔少明星客仔捧場，好似有官恩娜、葉童、楊秀惠等。
