十多條「龍友」連環快拍4高海寧，仲有電車男fans （紅圈）想同佢影合照，可惜大會唔准，驚高海寧行到埋去渣都冇。
端午節假期，但一班港姐無假放，幫無線宣傳「最受歡迎電視廣告大獎2008」。
雖然一眾佳麗打扮密實，但「龍友」們照樣長短炮齊備，拍低佳麗風采。當中最受歡迎，係大熱門人馬4高海寧，仲有熱情電車男想搵佢合照，可惜大會怕發生危險，合照無得傾。
「龍友」影相各出奇謀，見台邊無位，於是霸住部升降機，從高角度慢慢影，但就阻住其他人上落。
人氣下滑嘅k 馬賽，塊面因為毛孔閉塞起晒粒粒。
高海寧人氣高企，反而
賽前被視為大熱嘅k 馬賽，聲勢一日比一日下滑，加上要佢日日濃妝艷抹見人，馬賽皮膚敏感成塊面起晒嚇人粒粒！電視踏入高清年代，競選當晚，馬賽嘅大頭特寫隨時嚇親觀眾。
