事隔4年，生完BB 的28歲柏芝，手臂圓潤之餘，唔小心打出個胃腩，都話媽咪偉大㗎啦！
全城藝人包括謝霆鋒6月1日齊集西九龍中天地演出馬拉松式賑災騷，霆鋒講災情七情上面好肉緊。
霆鋒出力撐賑災，但老婆柏芝卻冇上台更加冇死跟，據知近排柏芝頻頻連人帶B 返娘家住，週日（1日）時更帶埋乖B Lucas 邊戲水曬太陽邊開飯，之後更直返娘家元朗錦繡花園新竇換埋衫。
其實老公咁忙，多啲返娘家住有親人陪吓總算有家庭溫暖，柏芝呵！
'04超索
當年柏芝未嫁人未生B 時最愛去大浪灣滑浪，當時24歲卜卜脆身形當然fit 到漏。
自從今年1月尾淫照事件發生後，事隔4個月事件似乎稍為平息，霆鋒繼續努力工作賺錢，柏芝則努力箍煲以免輸咗頭家，早前霆鋒到泰國拍《風雲II 》，柏芝亦帶同囝囝Lucas 死跟。不過一直有傳二人關係並未重修，更曾經傳出二人暗中分居。
康樂園戲水
傳言滿天飛，不過據知柏芝最近頻頻返娘家，兩人似乎間中有分開住之嫌。柏芝未嫁人前全家住大埔康樂園獨立屋，縱使柏芝已賣掉康樂園物業，但她在康樂園私人會所買了會籍，據知柏芝近排經常抱B 到泳池悠閒過日辰，據知情人士說：「柏芝喺康樂園仲有會籍，佢多數上晝帶個仔嚟游水，游到兩點幾就走人，不過次次都唔見霆鋒，得佢家姐同阿媽陪佢咋。」
週日（1日）中午，身穿紅白間比堅尼泳衣、產後10個月仍未收身、暴現一節節腩肉的柏芝帶住囝囝Lucas ，跟家姐和媽咪一家出現在康樂園會所泳池，不過就當日所見，張家除了游水曬太陽外，主要節目係圍埋吹水，更在池邊開餐食lunch 。
芝姊
芝媽
16:15乖B 扭計
柏芝一家四口喺康樂園私人會所游水兼lunch 好開心，不過期間阿B 忽然又扭晒腰扭計，於是柏芝就
聲抱走Lucas ，阿媽幾時都係緊張個仔嘅！
熟手媽咪
做咗人媽咪2年嘅柏芝抱B 愈嚟愈熟手，單手抱阿B 仲可以悠然自得同家姐吹水，唔易學㗎！
愛妻座駕
柏芝呢日揸住淫照爆發前，霆鋒送給她做生仔禮物、價值約50萬嘅凌志GRS 300房車直返娘家。
驅車返娘家
食完飯曬完太陽，柏芝成家於下午4時許才嗱車走人，但柏芝飲飽食夠卻未有返中半山花園道愛都大廈等老公，反而駕駛凌志房車載著囝囝到元朗錦繡花園，和之前在泰國帶住班記者做大騷兩個樣。
原來除了柏芝媽在錦繡置業外，連她家姐戴碧芝亦在附近租了一單位自住，既然有新竇，柏芝亦盡情享用，逗留至晚上9時多換晒衫帶埋Lucas 再外出，似乎視錦繡為另一個家。據附近一名鄰居透露：「柏芝出現喺錦繡都有幾個月，佢家姐係呢度住客，柏芝多數帶住個仔，佢都幾cool ，好少同啲鄰居打招呼，或者唔想俾人知佢喺度住呱！」
雖然柏芝被記者影慣相見慣大場面，不過當發現有記者在她的錦繡花園娘家守候，竟然罕有地飛奔折返入屋，剩低外籍工人在屋外呆站，就算記者大聲問她：「今日賑災騷你唔去嘅？你有冇捐啲乜呀？」柏芝都借咗聾耳陳隻耳冇反應，似乎好介意娘家新竇曝光
。
問極唔開口
換咗套新衫，披咗件$2,775Burberry 圍巾嘅柏芝揸車外出時發現記者，即時粒聲唔出兼完全冇表情，好在忍到冇爆粗，做番個善良好媽媽。
歐洲BB 椅
玩足成日，囝囝Lucas 於後座一上車就
，雖然柏芝慳自己，不過對阿B 就好照顧，這張安全椅亦絕非普通貨色，意大利品牌MAXI-COSI ，香港要網上訂購，叫價約二千元。
換衫閃人
柏芝在娘家換衫兼換車以避耳目，可惜人B 加埋好難唔認得。
老公有難言
柏芝成日返娘家，同日出席賑災大匯演的霆鋒則似乎未知妻兒去向，問佢老婆人在何方點解唔撐場，霆鋒就咪晒嘴唔識答，要勞煩經理人Mani 一邊推走霆鋒一邊解話：「唔好意思，我哋要做內地記者訪問啦！」
乜老婆帶埋乖仔去游水好難答咩？其實柏芝返娘家抖吓都好易拆，霆鋒你諗多咗喇！
謝婷婷當日都有份陪阿哥去賑災，仲出心出力捧住個箱四圍搵人捐錢，不過佢之前開晒口話想同阿哥阿嫂成家齊齊賑災，呢個願望應該幾難實現。
泰國機艙零交流
柏芝四月往泰國探霆鋒班後雙雙回港，本刊偷拍兩人在機艙內各顧各
，Lucas 喪喊柏芝忙餵奶，霆鋒仍然大覺
，係信得過老婆搞得掂定係唔想理呢？
講柏芝皺眉
柏芝帶埋阿B 返娘家戲水曬太陽咁高興，霆鋒就獨力賑災，仲要幫老婆講好說話，不過當日下午四點幾問到佢柏芝身在何方時，霆鋒就皺晒眉咪晒嘴，有難言之忍咩？
佢好支持今次賑災！真實對白
16:45
開頭問霆鋒，究竟柏芝賑災到唔到時，霆鋒就好斬釘咁話唔到，不過事後都補番句：「佢好支持今次中國賑災活動！」
唔……唔……真實對白
之後再追問霆鋒知唔知柏芝去咗邊時，佢就即時眉頭猛皺唔知點答，經理人Mani 見狀即時推走霆鋒幫佢解圍。
做媽咪大改變
淫照事件後，張柏芝可謂處於零收入狀態，霆鋒撐起頭家當然唔輕鬆，所以柏芝其實都慳咗唔少，戒大花筒之餘，連新租的家姐住所亦只揀平價獨立屋錦繡花園，柏芝真係回歸平淡㗎。
《壹週刊》圖片
'05LV
05年柏芝愛蒲之餘，名牌更加唔少得，拎住個超過$8,000嘅LV 手袋係碎料，邊似今日咁樸素。
'08Juicy Couture
28歲已為人母的柏芝貴氣唔見晒，著住條嚫妹至愛價值約$1,100嘅綠色Juicy Couture 長褲，左手抱B 右手捽鼻，講真有啲師奶格。
'05月供13萬2千《壹週刊》圖片
當年康樂園
柏芝當年坐擁4層康樂園獨立屋，其中一層3,200呎獨立屋月供要13萬2千。
'08月供+租約$30,000
《忽然1周》圖片
今日搬元朗
柏芝家姐租住的錦繡花園單位1,150呎，月租只係15,000蚊，就算加埋佢阿媽層價值$393萬獨立屋，以柏芝做$300萬按揭計，月供亦只約$15,000，加埋都只係$30,000，慳好多。
柏芝成家游水蒲頭，跟他有千絲萬縷關係的陳冠希最近亦秘密返港，部署搶攻潮人市場，不過斷估佢應該唔會搵柏芝幫手。
陳冠希返港打仗？
Edison自從公開退出香港娛圈後，果然一直消失香港，不過最近有傳他已秘密回歸，更有人目擊他上週出現中環四季酒店，據知Edison 今次回歸，正是要收復死敵Juno 侵佔的潮界失地。上星期五（30日）Coach 在西九搞新店開幕party ，原來正是Edison 開戰第一擊，由其公關公司Clot 背後發功。當晚Edison 旗下組合農夫、曾和他傳過緋聞的Amanda.S 、舒淇、2R 的Rosanne 有傳都係Edison 吹雞而來。而Edison 家姐陳見飛更直認細佬今次擔當公關工作：「Edison 雖然喺美國，不過呢個party 都有幫手。我下星期就會移民去L.A.喺過邊定居。」Edison 回歸，睇嚟呢場潮人生死戰有排打。
雖然受淫照事件拖累，好在Edison 仲有成班紅顏知己。好似佢位前緋聞女友Amanda S.都有露半球撐場，有義氣。
和Edison 傳過緋聞又冇受害的仲有舒淇，老友做公關開到聲亦一樣畀面出席。
紅顏力撐
