張震去年與32D 女模Tanya （吳家欣）撻著，埋得型男身做入屋女友，D 級Tanya 即曝光升級。最近到佬沃拍水著寫真的她，自言同張震感情穩定，今次寫真更有裸露上半身激照，我行我素Tanya 說：「我做嘢唔使問過佢（張震）！」
一直有傳Tanya 玩les ，愛女多過愛仔。說到性取向，Tanya 直言是「bisexual 」，仲話同女仔會high 啲，更對已為人妻的何超有性幻想。咁激？睇嚟張震都滿足唔到呢位烈女喎！
拍拖2年
上年10月，Tanya （右）去台灣陪張震浸溫泉，再去麵店撐枱腳被狗仔隊發現。
著得唔算性感嘅Tanya （右），喺party 俾女性朋友當眾揸胸避都唔避，仲放上網公諸同好，好open ！
萬人迷型男張震，上年拍得與Tanya 在台灣浸鴛鴦溫泉，今年又孖住去曼谷食買玩，張震亦大方承認與32D Tanya 熱戀。男友忙踩影展紅地氈，久未有女模job 的Tanya 亦默默發功，上年已簽約阿叻陳百祥的Star J ，成為JJ 賈曉晨和裕美師妹，最近到佬沃拍性感寫真，更有裸露上半身以手遮胸激照，為女模變身明星鋪路。
自認雙性戀
事實上26歲的Tanya 不是乖乖女，反叛之餘，Tanya 性取向都五時花六時變，有傳她是女同志，Tanya 上週對本刊坦承：「我唔係攣，而係男女都鍾意。我以前多數同女仔拍拖，因為大家係女人，知道對方諗乜，我最close 嘅朋友都係女仔。」
震嫂揀女
Tanya 大方自爆係雙性戀，又話張震未滿足到佢，隨時有機會搵番個女友；喺圈中都有唔少女星被傳係同志，又岩唔岩Tanya 口味呢？Tanya 諗咗一陣就話，「結婚前嘅何超儀最嗒得杯落，我仲對佢有少少性幻想添。」唔知人妻何超知道會唔會攣一攣呢？
何超儀有性幻想（勝）
「我鍾意有才華嘅人，何超好有型，反叛得嚟好似我，rock 妹性格夠放嘛，佢都拍過同志戲啦，我睇到有性幻想㗎！」
何超04年演過同志電影《蝴蝶》，戲中同田原有大膽床戲。
何韻詩冇乜興趣
「佢都幾有同志氣質，夠型，但唔夠坦白，有時好似好有性格，有時又冇，對佢提唔起興趣咋。」
何韻詩同容祖兒、鄭秀文傳過緋聞，但一直否認自己係同志。
薛凱琪不是女同
「傳過我同佢個TB 朋友拍拖，但唔係真，我識Fiona ，佢唔係同志嚟㗎，所以對佢唔會有feel 。」
薛凱琪同志疑雲，終被Tanya 幫手澄清。
at17嫌太嚫妹
「佢兩個太嚫妹，雖然都有音樂才華，但完全冇feel ！」
at17Ellen （右）同二汶（左）嘅性取向已成為公開嘅秘密，但太young 唔係Tanya 杯茶。
寫真集中，見到Tanya 左邊pat pat 側有鳳凰紋身，佢解釋：「因為我屬雞，但又唔想紋隻雞，咪紋鳳凰咋！」
寫真集剛推出，里面有用手遮胸激照，Tanya 話睇相後先發覺有少少走光添。
山雞變鳳凰
Tanya吳家欣性格反叛又豪放，其實同自小經歷有關，Tanya 自小父母離異，同父異母哥哥係玄學家吳佩孚，Tanya 中三之後就跟媽媽移民加拿大，但讀咗兩年高中就輟學，同媽媽感情決裂，離家出走一個人返香港，做過髮廊學徒、日本餐廳侍應、尖沙咀夜場陪酒。
98年，16歲Tanya 因愛蒲，常去rave party ，遇上模特兒公司招攬而入行。20歲開始憑32D 驕人身材，接唔少泳衣及內衣廣告工作，喺model 界有「首席水著女」稱號。
3年前經朋友介紹認識張震，06年開始拍拖，即轉移陣地到台灣發展，目的係多啲時間陪張震，但上年決定返香港發展，加入Star J 後最近推出寫真集，以性感姿態正式打入娛樂圈，以電影事業為目標，Tanya 好快接拍叻哥及王晶開拍嘅晶女郎系列電影。
Tanya 早幾年拍過唔少性感硬照，早已展露出32D 真材實料身段，更常毫不吝嗇替雜誌影三點式旅遊照。
張震唔知攣
自認雙性戀者，同女人拍過拖，現任男友張震究竟知唔知？「唔使專登話佢知
！我哋而家好好呀，出面傳我哋結婚，其實我哋冇諗過，亦冇諗過生小朋友，而家工作至上。」有les 經驗，Tanya 說兩個女仔如果有feel ，眼定定望兩望就實明大家用意喎，「哈哈！當然要識落了解吓先啦，有feel 咪眼定定望住咋，對方有意思嘅話會眼定定望番你，岩咪坦白講咋。我都試過搞錯㗎，搞錯咗咪做番好朋友咋。」
大膽Tanya 更指張震滿足唔到佢需要：「男女都可以有sex ，呢方面男女都滿足到（我），但係男人唔夠細心咋，只係攬攬錫錫，成日掛住做嘢，我唔開心，暗示咗佢都未必明白咋，不過張震比以前其他男友算關心我喇，我話想去玩，佢就抽時間陪我去曼谷，同佢一齊幾開心嘅。」
但Tanya 唔排除會換畫，同番女性拍拖：「始終大家女仔，容易了解對方需要，激情時亦容易投入啲high 啲！」
男舊愛
印象中，同LMF 嘅阿華拍拖玩得好喪，但Tanya 話唔夠同女同志high 。
緋聞男
嫁個有錢人，個個都想，但Tanya 竟嫌有個百億老竇嘅林孝賢太正經，唔岩feel 。
直番多仔溝
Tanya作風豪放，做髮廊學徒之餘，更去過尖沙咀夜場做陪酒，後來入行做女模先辭職，但依然愛蒲愛玩，鍾意在夜場結識同性或異性朋友。據知，仍流行rave party 的年代，Tanya 就與唔少女伴到party ，玩到high high 哋，兩女就攬埋一嚿，蒲到天光。Tanya 更說：「試過喺party 俾女性朋友揸胸兼擘髀。」但她全不介意，還將相片放上facebook 任
。
攣直都岩，Tanya 說之前的女朋友全部圈外人，但男友則多是娛圈男星。鍾意蒲rave 玩天光的Tanya ，當年亦是groupies 一名，愛跟各band 仔周圍蒲周圍喪，04年遇上LMF 樂隊的主音阿華，兩人打得火熱，其間有傳Tanya 在周星馳《功夫》面試後，被星爺邀約飯局而成為「星爺新歡」；06年跟阿華分手，即傳跟林建岳大仔林孝賢拍拖，幾個月後才遇上張震。
多仔溝的Tanya 說：「同阿華一齊時大家都細，係玩得癲啲，可以用喪蒲嚟形容，但腦袋一片空白，而家唔記得清楚喇；林孝賢係事業有成又有錢，但我唔係要呢啲，佢太正經，唔係我style ，佢都唔會鍾意我咁癲啦！同張震呀？佢萬人迷係佢嘅事，對我好就得啦。」
真係要對佢好啲，事關張震對手，有男又有女呀！
