李蘢怡肉腿趕客

發誓唔再拍拖、積極減肥學跳舞再戰娛樂圈嘅李蘢怡，上個禮拜五（五月十六日）晚活學活用，一身性感打扮，去尖沙咀夜店邊跳舞邊行騷。
雖然平日衣著打扮多布極有限，但少有著熱褲現身嘅李蘢怡，嗱住皮鞭玩SM 擺甫士時，一雙肉髀橙皮紋即時暴現，講真句，都幾礙眼。
唔知係咪呢個原因，無論李蘢怡幾咁落力演出，尖叫聲始終唔及四位除開上半身衫晒胸嘅肌肉猛男。

嗱住皮鞭行騷玩SM ，原本睇頭十足，但李蘢怡一雙大髀橙皮紋，令氛氛跌晒watt 。

換咗三套性感衫現身，李蘢怡始終唔及四位肌肉男咁搶鏡。