同你吟一吟:鍾麗淇繼續單身
同車震賤男梁榮忠八年情玩完，退出娛樂圈全職做瑜伽學校校長兼導師嘅鍾麗淇，回復單身後，曾經傳出同「基金界俊男」劉鎮鴻拍拖，但最終只聞樓梯響。
近日鍾麗淇雖然默認有追求者，又俾人影到佢同型男拖手親吻，但真命天子，始終未見出現。
早兩個禮拜二（五月六日）下午四點，《壹》仔喺銅鑼灣city'super 見到鍾麗淇，同一名身材高大嘅男士孖住購物，兩個人全程用英語對話，不斷有講有笑。買咗一大籃食品，以為兩個趕住返屋企玩煮飯仔，點知，鍾麗淇送大隻男去的士站等車，之後各有各散。
事後八珍問過二五，原來嗰位大隻男係鍾麗淇親生阿哥。無拖拍陪阿哥shopping ，八珍都戥佢姻緣心急。
又買麵包又買牛扒，鍾麗淇全程黐實阿哥，由於兩兄妹都喺加拿大長大，所以全程以英文溝通。
講真句，兩個唔係好似樣，邊會諗到係兩兄妹。
