疑似婚外情 細R Race 偷拖法蘭西佬 疑似婚外情 細R Race 偷拖法蘭西佬
08年14/5 新伴法佬
新加坡姊妹花2R ，出道5年星運麻麻，近年大多出席首映做人肉布景，久未發市。大R 黃婉君（Rosanne ）和細R 黃婉伶（Race ），去年雖宣布分拆發展，依然講多過做。
早在06年，細R 被揭有位新加坡籍富商老公陳靖諧（Anthony ），不過上週三（14日），記者卻發現Race 在中環與法籍猛男甜蜜手拖手，小情侶sweet 搭小輪。
坡佬變法蘭西佬，偷拖斷正的Race 嚇到面青，以笑遮醜否認已婚，又唔認拍拖，愈說愈亂。
08年14/5 新伴法佬上週三（14日）下午4時多，Race 在鬧市中環碼頭，情不自禁手拖手緊扣著法籍猛男，拍拖坐小輪過海到尖沙咀，呢份情懷，十足岩岩開始戀愛嘅情侶。
2R 自去年宣布獨立發展，但兩姊妹一直未有新搞作。大R 早前更捲入陳冠希淫照事件，兩姊妹避走香港，返回新加坡老鄉，兼四圍旅行散心，而Race 早前就到德國、法國和芬蘭過聖誕歎世界，更在blog 上大晒冧樣旅遊照，完全唔擔心事業一池死水。
細心
入閘前，習慣的士代步嘅Race 跟猛男狼狽入銀仔，有情飲水飽，搭咩都冇所謂啦。
對望
被記者發現後，Race 上船後才跟法籍猛男隔離一個身位而坐，但不時低頭甜笑，猛男就放電情深望住Race 。
06年 老公陳靖諧
《忽然1周》圖片
Race 被揭早於04年已下嫁身家逾2億的新加坡富商陳靖諧（Anthony ），06年更被拍到同老公在香港食晚飯後返回西半山香閨。
《壹週刊》圖片
25歲的Race （左）同大佢3年的家姐Rosanne （右），03年由新加坡到港組成2R ，至今出過4張唱片，舊年更宣布獨立發展。
斷正尷尬上週三（14日）下午4時多，剛遊完埠返港的Race ，手挽2萬3舊款Chanel 袋，現身中環小輪碼頭，跟貌似球星奧雲的老外，公然在鬧市手拖手，更深情對望。
入閘前，富貴慣的Race 發現小輪改為自助買飛，狼狽地跟男伴找職員幫忙，Race 甜絲絲用英語同型男說：「Go to ask 。（去前面問吓）」當Race 發現記者，老外即彈開兩呎行先，留低細R 對記者。
F ：《FACE 》 R ：Race
F ：同新男友拍拖好開心喎？
R ：唔係呀，佢係我一位法國朋友，岩岩嚟香港，我帶佢四周圍玩咋。（先嚇一嚇，定神後才擠出笑容。）
F ：但係你哋一直手拖手喎……
R ：唔係呀，法國人好奇怪，朋友去街都要拖住手㗎。（隨即示範同記者拖手）
F ：你唔怕有人誤會，要向老公解釋呀？
R ：吓？你講咩呀，我都冇（結婚）。點會怕人誤會。我要走喇，佢等緊我。（尷尬走先）
Race 之後會合快閃一步的法蘭西佬，然後乘船到尖沙咀。
其實有傳25歲的Race ，04年已下嫁新加坡華僑、身家逾2億的寶馬車廠分銷商兼CEO 的富商老公陳靖諧（Anthony ），不過Race 就一直否認。直至去年6月約滿環球唱片後，兩姊妹簽下梁詠琪前經理人Stephanie ，並轉向國內發展，到年尾又忽然解約，自爆有間新加坡財團打本的唱片公司，主力簽2R 出唱片。
尷尬示範
Chanel 袋$23,000
LV 銀包$5,670
Chanel 表$56,700
Race 發現記者後，全程以笑遮醜解釋二人不是情侶，仲即席捉住記者的手，示範拖手仔係好平常嘅事。
唔認老公「行內人聽過2R 簽咗間叫Love Music 公司，有傳係佢老公打本嘅，細R 喺入面話晒事，想請咩人就請咩人，不過唔知點解，最近又停晒運作。」知情者說。
忽然急停冇水喉照，2R 去年亦將西摩道豪宅輝煌豪園放盤，搬往干德道寄居親戚家，月租2萬6。有法蘭西佬陪搭船仔，有情飲水飽。
芬蘭站撻著其實早在2月尾，Race 已在blog 上甜晒芬蘭之旅中跟法蘭西男撻著，「I met a nice French guy ……He was kind enough to drive me to thehusky farm on a snowmobile.I sat behind him and enjoyed the fleshcutting ice cold wind rubbing against my cheeks!!（在芬蘭的一個寒冷的早上，我認識了一個好心的法國人，他非常好人地開著雪上汽車載我去哈士奇農場。我坐在他身邊，享受著冰刀一樣的寒風。）」咁浪漫飛馳雪地個半鐘，難怪寒風下都咁enjoy 啦。
喺冰天雪地仍然有幾冧，睇見Race 笑到見牙唔見眼就知啦。
Race 特登喺同法籍猛男萌芽嘅snowmobile 上影張靚相。
Race 在alive not dead 社區內的blog ，主要用英語寫作，不過為咗方便華人瀏覽，網站有專人翻譯做中文版。
