自從梁洛施（Isabella ）傳出同億萬李澤楷（Richard ）撻著，即刻繼徐子淇之後成為港女偶像，早前仲有報道話佢喺名牌學府史丹福大學進修英語，港產歌女變上進學生妹，成個形象高貴晒。
同時間梁洛施同英皇合約糾紛雙方正磨拳擦掌，Isabella 雖然有猛人撐腰但仍高度戒備免閒人埋身，上週四（15日）Isabella 出席美國洛杉磯《盜墓迷城3》宣傳，本刊深入酒店房零距離專訪，發現Isabella 皇帝女派頭十足，Isabella 更有感而發：「做歌手時年紀太細，都唔知過時做緊乜！」
之前唔知冇問題，19歲女搵到人生目標先緊要呀！
平衫高貴look之前有報道話Isabella 豪買鑽戒大花筒，不過Isabella 出席電影宣傳時，身上所穿的白色晚裝只係普通OL 至愛的Zara ，而對鞋就係美國品牌Kate Spade ，成身加埋唔使200蚊美金（約1,600港元），又唔似外傳咁揮霍喎！
天真盤腳
講到尾，梁洛施都係得過19歲女，本刊叫梁寫幾句為會考生打氣，佢就好可愛咁盤起對腳嗱筆就寫，雖則話過荷里活學做淑女，但始終都係19歲女。
雖然只係短短幾句，但Isabella 非常認真，仲邊寫邊讀出打氣語句，最難得係全程一take 過搞掂，唔只英文進步，似乎連中文都有改進喎！
一齊努力雖則8月先放榜，Isabella 提前鼓勵會考生話考得唔好唔緊要，仲話會同香港會考生一齊努力，如果有埋你咁萬千寵愛在一身仲好呀！
今年3月傳出19歲的Isabella 與41歲小小超李澤楷撻著後，官司是非即時一大籮，不過Isabella 一於少理，赴美學好英語準備食荷里活大茶飯。
見客有暗號
勝利女神
Isabella 為本刊拍照，情不自禁舉起勝利手勢，神采飛揚，開心真係有樣睇。
直至洛杉磯時間15日上午9時（即香港16日凌晨12時）Isabella 現身洛杉磯Casa Der Mar 五星級酒店，首次正式亮相見傳媒，替西片《盜墓迷城3》做宣傳，本刊亦獲獨家深入Isabella 酒店房做專訪。
Isabella 在《盜3》中飾演楊紫瓊女兒戲分唔多，雖然李澤楷早前否認跟梁洛施已訂婚，不過做得小小超緋聞女友，電影公司當然亦照顧周到，除為佢訂了7,000港元一晚嘅豪華套房畀公主化妝set 頭外，更有7名保鑣護駕兼坐美式名貴Lincoln Mercury房車到酒店，房門外更有兩名6呎保安把守，要搵梁洛施先要經他們核實身份，再由保安以兩長一短暗號敲門通知，絕對守衛森嚴。
過3關入到酒店房，竟又有另一保安在大廳守候，而Isabella 則在浴室內跟化妝師及髮型師做準備，只見Isabella 神采飛揚，明顯好適應美國生活，她更表示現在專心讀書好開心，其間又主動擺出V 字手勢，勝利女神上身唔講都知生活愉快。
F ：《FACE 》 梁：梁洛施
F ：你鍾唔鍾意喺美國生活？
梁：美國生活好舒服，節奏唔似得香港咁快，我好鍾意。
F ：咁你校園生活過成點呀？
梁：我而家讀英文course 好充實，老師好好人，其他學生來自日本、韓國、馬來西亞同中國，上咗幾個月都好適應。
F ：今次電影宣傳，你間酒店房對住海灘，好靚喎！
梁：係呀，我都好鍾意海，不過宣傳太忙，冇時間欣賞呀！
F ：你第一次拍荷里活片，最困難係咩？
梁：英文真係好難，因為套戲要同好多國家嘅演員合作，美國口音唔算難，最難係英國同澳洲口音，尤其聽英國口音最難，不過而家好好多啦！電影公司好好，拍《盜3》前一年已經學緊英文！
F ：有報道指你同李澤楷拍拖喎，係咪呢？
梁：（微笑）今次我係嚟做電影宣傳，其他問題我唔回應啦！
F ：睇報紙話你會返香港同英皇就有關合約打官司喎！
梁：我交畀律師搞，唔方便回應，唔好意思。
唱歌好迷失緋聞官司唔多肯講，之後梁洛施跟外國傳媒做圍訪，被外國傳媒問到鍾意做歌星定演員時，梁洛施就有感而發話；「我當時太年輕，我自己都估唔到已經出過6至7張碟，我可以講我唔知過時自己做緊乜！當時我覺得好迷失，我唔鍾意唱歌，因為我唔可以用歌聲表達我嘅情感，唔可以令聽眾喊，但係演戲我就可以啦！」
梁洛施跟李澤楷的緋聞炒得火熱，小小超舊愛Rachel （羅愛欣）亦頻頻出席公開活動，相對地神情憔悴兼冇乜笑容，明嘅，一個岩岩搵到終身志願、一個就要重新振作，畀著係你都笑唔出。
7年究竟做過乜？雖然Isabella 表示做歌手時唔知自己做緊乜，不過其實佢喺英皇近7年時光都幾充實，分別係咪你情我願咁解。
01年盛大簽約
只有12歲的Isabella 在母親的陪同下簽約英皇15年，15歲時英皇更為她舉行大型簽約儀式，一心力捧佢做新人王。
04年踩過紅館
入行後Isabella 早年確係以唱歌為主，唱快歌又跳又唱好落力，仲曾為Twins 演唱會做嘉賓，算係踩過紅館。
06年拍拖甩底
被指與音樂人陳輝陽拍拖，因私自失場而被雪藏，解凍後在母親陪同下跟詹瑞文學戲，又被英皇加簽3年合約。
06年4月一片成名
接拍彭浩翔的《伊莎貝拉》，出色演技一拍成名，成為葡萄牙波圖國際電影節影后，揚威國際第一步。
01年盛大簽約
《蘋果日報》圖片
04年踩過紅館
《蘋果日報》圖片
06年拍拖甩底
《壹週刊》圖片
06年4月一片成名
《壹週刊》圖片
小角色大派頭雖然Isabella 於《盜》片只係第三女主角，飾演皇陵守護者楊紫瓊個女，戲分唔算重，不過電影公司卻為佢安排巨星級排場，千呎豪華海景套房作休息室，仲有名化妝師幫佢執靚個樣，連《盜》片第二女主角楊紫瓊都冇咁好服侍。
梁洛施間房要7,000港幣一晚，有無敵海景靚到盡，可惜梁就慨嘆：「我都好鍾意，不過太忙冇時間欣賞喇！」
巨星化妝師
今次替Isabella 化妝的Troy Jensen 曾為多位國際級明星化妝，好似Bjork 、Christina Aguilera 、Paris Hilton ，連奧斯卡影后桂莉芙柏德露都係佢操刀，睇嚟梁洛施好有潛力喎。
專業化妝品
話明世界級化妝師，用嘅化妝品當然唔只Dior 、Chanel 咁膚淺，當中就有Bourjois 及Anastasia 等品牌，唔識唔緊要，連麥當娜都用就知好嘢！
A Bourjois 胭脂（星級用家：Kate Moss ）
B Stila 粉底液（星級用家：Stella McCartney ）
C Dior 唇彩（星級用家：李嘉欣、林志玲）
D Lorac 陰影粉（星級用家：Meg Ryan ）
E Guerlain 液狀眼線（星級用家：徐子淇御用化妝師Gary Chung ）
F Anastasia 眉Gel （星級用家：Madonna ）
G Elizabeth Arden Lip Gloss （星級用家：Katherine Zeta-Jones ）
真正女主角
洛杉磯時間週三上午9:00，薄施脂粉的Isabella 乘坐電影公司預備的房車到達酒店，身邊多達7名保安護駕，連楊紫瓊都自稱冇保鑣跟身，現實中邊個係女主角，其實一睇就知。
《盜3》中Isabella （右二）除飾演楊紫瓊女兒外，更有與型男Luke Ford （中）有親吻鏡頭，梁洛施就話：「我拍之前好緊張，好在拍咗4take 就ok ，導演都好滿意。」
關係愈見明朗梁洛施同李澤楷傳撻著後，先有《盜3》導演洛高漢踢爆梁洛施帶埋神秘未婚夫一齊食飯，好快有報道話小小超在美國，唔認訂婚不過冇否認拍拖。又咁岩佢位舊愛Rachel 頻頻單拖亮相，兩女一男輪流出現，關係亦逐漸明朗。
男主角
《壹週刊》圖片
對於被導演洛高漢踢爆與Isabella 訂婚，當事人李澤楷早前出席美國母校畢業禮時，少有開腔否認話：「冇啲咁嘅事！」，不過對於兩人是否拍拖，李則只說：「我唔會講。」有啲玄機㗎！
紅娘
《蘋果日報》圖片
外傳跟李澤楷十分友好的楊紫瓊是兩人紅娘，楊紫瓊更公開力撐Isabella ，表示對方係佢接班人，仲話：「佢而家主要係學好英文，其他嘢唔好諗咁多！」
舊愛
有傳跟李澤楷分手一年的舊愛Rachel 近排頻頻曝光，上週四（15日）被朋友公關邀請出席連卡佛活動，遲咗2個鐘先出現嘅Rachel 對傳媒追問與李澤楷分手有冇唔開心時，終於開口說：「我冇唔開心，唔好意思，唔該晒！」
老外大讚：Perfect match今次洛杉磯《盜3》宣傳，外國記者對Isabella 本不太認識，不過初次見面印象甚佳，又向香港傳媒詢問梁有否拍拖，當記者向他們展示李澤楷相片後，老外即時反應：「外貌一般啫！」不過當知道李澤楷身家豐厚後，就改口風話：「靚女都係配有錢人啦，Isabella 好聰明，真係perfect match 呀！」老外都識轉口風。
全英對答冧老外雖然有傳梁洛施中三未畢業，不過自稱學咗年幾英文嘅梁洛施，喺接受外國傳媒訪問時就全英對答唔使翻譯，雖然用字簡單兼文法岩唔晒，不過Isabella 仲識講笑
到班老外好開心，莫欺少年窮呀真係！
R ：Reporter I ：Isabella
R ：What is the most difficult thing for you to come to Hollywood?
I ：I think English is the hardest for me.As English is not my first language.
R ：Did Jet Li and Michelle take care of you?
I ：We (Jet Li)don't have relationship in the movie,so we don'tmeeting each other often.I am Michelle's daughter in the movie......In the real life she is my best friend.She came to talk to me and getmy phone no......After that we hang out and dinner too.
R ：What do you do in the leisure time?
I ：I am learning English,also different kind of dancing and Kung Fu.So you can see my muscle,it's coming out.
R ：As we know you are singer before......so singer and actress......which one you want to be?
I ：Actress of course.I can't believe I have 6-7album.I can say thatmoment i don't know what i am doing......I am so young when i stillsinger,I feel lost that period of time.I don't like singing.It'sbecause I can't express my feeling.My voice can't let people cry butmovie can.You know i was a model when i am 12.So,i don't know whatI've done.But now I know love acting.
