四川８級大地震，好需要資金去為居民重建美好家園，今次災難將全國同胞連
繫一齊，有力出力，做富豪嘅當然係有錢出錢。
祖國富豪今次都好豪爽，好多都係千萬千萬咁捐，但亦有富豪被網友指摘為涼薄之輩。好似龍頭地主股萬科嘅董事長王石，曾經向員工提示募捐以１０蚊雞為限，畀同胞由新疆鬧到去福建，最後佢就話捐多１億人仔去救災，仲要向同胞道歉。
王石講錯嘢係咎由自取，但係巴巴（０１６８８）嘅馬雲就比較無辜，畀人傳佢公開話「捐一蚊就夠」，成為眾矢之的。不過佢就出嚟話無講過，仲澄清已經募捐同籌集５０００萬人仔去賑災，終於含冤得雪。
《編者按》本欄搜羅即市消息，惟消息未經證實，《經濟通》亦不保證內容之準確性
