以色列,杜拜都有海底餐廳..不過我對過圖片....
99%係以下呢間馬爾代夫 乾爽版海底漫遊 2006-10-28 更新
【東方日報專訊】「咦！做咩你唔去潛水？」「我唔識呀！」「咁浮潛囉！」「我唔識游水呀！」「有救生衣好安全！」「我其實怕水！」「Oh！真係可惜……！」以上對白，小記馬爾代夫(網站 - 圖片)一日起碼講七次。咩事先！係咪唔識游水唔可以馬爾代夫，馬爾代夫唔落水又係咪要拉先？人總有死穴，使唔使一日督咁多次呀！我唔嬲！只不過好鬼火！仲有！度我要向大家澄清，到馬爾代夫想睇海底世界，係絕對肯定毋須事必要落水！再問……信唔信我推你落海！
特派記者：唐臻瑋
玻璃底太空船 睇珊瑚唔濕身
有去過泰國、宿霧(網站 - 圖片)的朋友，應該坐過土炮製造的玻璃底木船出海欣賞珊瑚。不過，老實講船底那些玻璃又細又矇，莫講珊瑚，即使有大白鯊經過，你最多只能睇到佢條尾。科技是會進步的，是次在馬爾代夫的Rangali Island，再次遇上玻璃底船，感覺絕對可以用驚喜來形容。這艘船下水只有一年時間，外形奇趣之餘又很有太空船的感覺。船底那塊巨型的玻璃，面積之大絕對可以媲美酒樓的12人。向來對攝影都有堅持的我，為了取得更好的角度，企圖越過玻璃到船頭拍照，豈知這塊看似平坦的玻璃，原來呈凹陷的鑊形，走不到兩步便已經害我仆到四腳朝天兼拗柴收場。據船長解釋，玻璃之所以呈凹透狀，是因為具有25%的放大作用，讓你欣賞海底世界時，可以更加清楚、更加巨細無遺。
費用：US$48（約HK$375）
全球唯一海底餐廳 得12個位
雖然玻璃底船已經可以看到馬爾代夫最著名的海底景色，但為爭一口，證明唔識游水唔係罪過，小記決定再向深度挑戰，不用潛水艇、不用任何工具，徒手深入水底5米，而又毋須濕身。皆因島上的Ithaa Undersea Restaurant，是現時全球首間兼唯一的全玻璃海底餐廳。餐廳建於海面下5米，呈拱形的玻璃外牆厚度足足有125毫米，單是建築成本便已接近4千萬港元。要在海底餐廳進餐，除了謹記一定要訂位外（只有12個位），還要記得戴太陽眼鏡，因為陽光經海水折射後分外耀眼，陣陣波光幾乎令人睜不開眼睛。太陽眼鏡外，相機當然亦不可缺，餐廳四周有不少的珊瑚礁，是不少魚類覓食之地，忘記帶相機的話，相信令你抱憾終生！
午餐：每位US$140（約HK$1,092）
晚餐：每位US$220（約HK$1,716）
水火土空氣 全部放入口
來到島上，還可以選擇Mandhoo Spa Restaurant用膳，這間餐廳以清淡健康作主題，除了在Menu內標明所有食物的卡路里外，更分為水、火、土、空氣四大元素。想知自己屬於哪一類？應該點甚麼菜？大家可以先行細閱Menu前有關的解說，再慢慢作出決定，在這絕對不會有人每隔3分鐘便來問你「請問想食咩？」
半夜三更 魔鬼魚Say Hi！
又浮潛、又潛水真係！又係時候要抖歎！島上最新建成的Spa Retreat水上屋，就最適合我們這些一身貴氣的旅客！每一座獨立的水上屋，可以分為睡房及私人Spa房。入門後，首先見到的是放有巨型梳化的客廳，以及全落地玻璃的睡房。不過小記最欣賞的反而是浴室，全玻璃的設計，除了可以透視旁邊的Spa房外，海景更是隨處可見。超巨型的大浴池，莫講是鴛鴦浴，即使三人行一樣不會「屈質」，加上三面環海，感覺絕對寫意到爆。至於先前所講的私人Spa房，則以走廊與浴室連接。
每間水上屋還有一個面積同樣大得驚人的露台，太陽椅、小餐桌、直達海中的梯級，晨光、夕陽、藍天、碧海、皎月、星空，每日由早到晚全部無料放送，絕對是大床以外，每日攤抖得最耐的另一個地方。某夜在房間露台看星時，甚至發現魔鬼魚先生主動來打招呼呢！所以話，想睇魚，又使乜濕身呢？
遨遊備忘
簽證
持特區護照(網站 - 圖片)或BNO者均毋須簽證
機票
乘坐新加坡(網站 - 圖片)航空經濟客位來回香港至馬里，票價為$5,200。查詢：2520 2233（新加坡航空），網址：
www.singaporeair.com.hk。
住宿
Spa Retreat每晚$9,165起（包雙人入住、一日三餐、每人每日一次Spa療程、鮮果早餐、健康諮詢，有效日期至12月18日），電話：（960）668 0629。
貨幣
盧菲亞 Rufiyaa，簡寫為MVR，每1美元約為12.8MVR，美金普遍通用。
天氣
全年氣溫約26~32℃
[
本帖最後由 yin 於 2008-5-18 21:18 編輯 ]
