女神穿崩
女神，係完美嘅化身。有嘅人去活動，全程表現優雅，十足高貴的女神，可惜偶有穿崩甩漏，形象打晒折扣。
徐子淇Q 版女神
上週五，卡地亞推出高級珠寶系列Inde Mysterieuse ，身為智行基金大使的千億新抱徐子淇，一身Dior 女神打扮，配七十萬頭飾、百二萬耳環及百五萬手鏈到場，以答謝卡地亞捐錢俾該基金。記者讚佢好高貴纖瘦，佢開心話：「減番結婚時個磅數！」轉頭佢見到熟人，即刻唔理形象擘嘴同人打招呼，好彩個樣尚算可愛。
龍殿兒有睇頭十七歲的Kee Club 太子女龍殿兒，著住購自連卡佛的七千蚊deepV 裙，配襯六十萬首飾到場，佢上半身迷死人，但姿勢卻略嫌生硬。問佢有好身材會唔會做模特兒？佢扁嘴話：「應該唔會，唔係屋企人唔准，係我自己唔想做model 。」
一個側身，酥胸半露引死人。
李嘉欣抽頭上週二，李嘉欣出席《愛與狗同行》首映禮，佢竟然當眾將件衫由褲頭抽番出嚟，有損大美人優雅的形象
。
樂基兒現底
做了黎明嫂嘅樂基兒，幫卡地亞行騷時，粉紫色晚裝裙下若隱若現露出內衣褲，可惜上身無端端多個掛頸式泳衣印，搞到三千八百多萬鑽石頸鏈都唔夠個印咁搶鏡。
