關心妍失聲拒咪嘴

關心妍失聲拒咪嘴
07/05/2008

前晚逾30位歌手出席迎奧運音樂會，竟戲劇性變了「傷殘」奧運。關心妍（Jade ）「啞」、黃家強「盲」、Freeze 的石詠莉「跛」。Jade 雖失聲仍堅持唱live ，她說：「一日仲可以唱到，都唔可以夾口形，六年前都試過聲帶出血，歌星血汗錢唔易搵，好慘！」

而家強則戴黑超出席，他解釋：「 上海出席譚詠麟 新店開張時，畀煙花彈到隻眼，右眼角甩皮， 醒隻眼紅晒又發炎，所以今日戴黑超扮型。」

至於Freeze 在台上又唱又跳演繹《金睛火眼》，落台後石詠莉突然說右腳甩骹，要救護員敷冰，她說：「跳到中段啪啪兩聲右腳甩骹，唔想連累拍檔所以忍痛跳埋，之後又啪啪兩聲接番。（咁兒戲？）係呀，好兒戲 ，佢 都叫我兔仔骨同『癱（妲）己』。」