回復 snowkid 1# 的帖子
老實的說, 我參加過一次, 唔算好貴, 花左$4000咁大把...雖然都幾心痛, 因為上去時本著個心是想試下, 因為要幫朋友做姊妹, 都想俾番d靚靚回憶人地
介紹俾你聽時, 就話這樣唔得個樣唔得, 盡量想你去你揀個個plan既高一level
到你揀左, 開始左既時候, 一路做呢, 佢地又會得閒同你講下這個唔夠, 要再高一level... 此時千祈唔好信佢, 如果你認為無咩用, 一定要堅決d同佢say no.
我俾$4000, 初時話有24個療程, 後來我先知, 原來每次上去已經做左2-3個, 好快就做晒....跟著又會叫你一再買多個plan... 不過因為個次我要返英國, 所以無再join, 也幫了我脫身
來療程中, 佢係會叫你去做運動30-45分鐘, 跟著就去沖涼, 跟著就會搵人幫你做d療程... 因為$4000佢話係平野, 所以只會做電動個d同焗jin... 做完既每一日, 感覺係好似d肉實左d既...但磅數唔會有太大分別, 除非你既生活習慣係改到.... 最好咩都唔食, 只食蔬果.... 肉...佢每日俾你食total一個手掌as max... 反之sushi明明都會肥, 但佢卻會建議你去食....
到最後, 你會發現, 自己在GYM 每日做運動, 可能仲健康and平過去參加療程~~~
p.s. 有朋友既同事, 參加這類療程, 花左$20000以上, 初初ok, 點知唔再做就即反彈, 仲重過以前....
[ 本帖最後由 joan_minako 於 2008-5-5 11:52 編輯 ]
