關之琳05年拍完電影《做頭》後便宣布淡出影圈，45歲就唔使做，之之真係叻女呀！《蘋果日報》圖片
關之琳出名係圈中富婆，過頭話搵夠上岸淡出，轉頭就於去年7月買入南灣價值近一億一千三百萬嘅4層獨立豪宅，據知之之仲揼本百五萬豪裝，認真識歎！
豪宅未入伙，已被老屈與台灣富商過從甚密，最近又被雜誌砌話喺新屋跳舞娛賓，激到大美人火都嚟！不過關之之豪宅裝修3個月，心血結晶當然要搵朋友欣賞吓。上週三（23日）關之之就叫埋班friend 開入伙party ，邊歎BBQ 邊賞無敵大海景，高朋滿座享受人生，呢句先係真。GiGi 去年以1億1,700萬買入的南灣道The Nautilus 獨立屋，一幢四層連天台，總面積超過4,800呎，現已升值至1億2,000萬。《壹週刊》圖片
關之琳以公司名義做7成按揭買入南灣豪宅「The Nautilus 」，淨首期已經要畀3,000萬，月供要50幾萬，關之之身家的確唔講得笑！
裝修要型
據知之之所買嘅單位屬示範單位，基本唔使點裝修已可即時入住，不過之之要求高點會岩心水，據關之琳好友透露：「佢（關之琳）基本裝修都搞咗3個月，聽講用咗成150萬，佢話喺娛樂圈見得太多金碧輝煌嘢！所以間屋要簡單舒服，但就一定要夠潮夠型喎，間屋到而家都未完全整好㗎，佢話仲有好多細位要執。」
搞咁耐先有靚屋住，最近豪宅正式入伙，上週三（23日）之之就call 埋時裝設計師密友Johnathan Chan 同兩位女性友人，到自己豪宅搞入伙聚會。之之仲叫菲傭喺佢個400呎大花園BBQ ，招呼好友邊食燒烤歎紅酒，順便欣賞無敵大海景！
填飽肚，之之就帶好友遊豪宅，參觀佢間心血結晶，GiGi 全屋最矚目莫過於位於一樓的大型鹿角吊燈，之之好友續說：「除咗裝修外，佢揀傢俬都好認真，淨係套梳化都要成11萬，佢仲自己搵咗好多畫掛喺屋企，佢真係花咗好多心血㗎！」其實45歲關之琳喺大陸拍個廣告都收成千萬，使百零萬裝修？散紙啫！
殘廢燒烤上週三（23日）關之琳新居入伙請咗時裝設計師密友Johnathon 同兩位女性朋友齊齊喺過億屋BBQ ，不過高貴GiGi 當然唔使自己郁手咁污糟，全程由工人代勞，成班friend 出花園望吓就返入屋繑埋手等食。
預埋密友據知Johnathan 同關之琳相識超過20年，兩人經常出雙入對結伴夜蒲，新居入伙咁高興當然唔少得佢，當晚更坐正之之隔籬歎酒。
睇鑽石海大美人（左一）獨立屋坐擁南灣無敵海景，有朋友到，當然要帶人出露台睇吓個超靚海景。150萬玩個性關之琳過億新居裝修3個月，四層面積約4,800的獨立屋，講明要以舒適為主，不過見慣豪裝的之之對家具亦當然有心得，一盞歐洲十分流行大型鹿角吊燈已盡顯品味，新居確係型到爆。
孝順按摩椅二樓為關母張冰茜睡房及衣帽間，張母房內又放了一張價值$46,800的新款Osim 按摩椅，張媽媽行多兩層樓梯都唔怕
啦。
圖為同類型燈飾
性格鹿角燈據知客廳盞巨型鹿角燈更是專誠由歐洲訂貨，據Aluminum 負責人David 表示：「鹿角燈喺歐洲好流行，如果咁大型又係真鹿角嘅話，至少要四、五萬蚊一盞。」
圖為同類型燈飾
貴氣水晶燈之之全屋玩性格，地下千呎飯廳就掛咗盞大型奧地利水晶吊燈，成屋氣氛高貴得嚟又唔俗，估唔到GiGi 對室內設計都有研究喎！
親自揀燈關之琳裝修揀傢俬親力親為，早前之之便親自到中環威靈頓街專sell 設計嘅Lumino 燈飾鋪買燈，最後睇中咗一盞只係二千幾蚊嘅西班牙枱燈，過億嘅豪宅配上二千蚊嘅枱燈，所以話平唔一定冇好嘢，睇你有冇品味啫！撰文：娛樂組
