真面目
嚫模搶食 Ana R.搬平竇瘟仔
28/4揀平傢俬
本週日（27日）下午，Ana R.跟外籍男友去銅鑼灣宜家傢俬揀傢俬，二人主攻一千蚊樓下嘅書架同電視櫃，男友一路睇，Ana R.就一路癡纏，用手從後捉實男友pat pat ，認真煙韌！
本地模界多年來都由周汶錡、樂基兒、Ana R.、Lisa S.同Rosemary 等玩晒，但自從上年嚫界索模Janice Man （文詠珊）同Angelababy （楊穎）急彈頂爛市，形勢易轉，唔少model 更為了保住飯碗實行促銷策略。
好似索模Ana R.雖然冇跌價，但就玩密食爛做，另方面又開源節流，最近同巴拿馬籍男友P.Diego 大屋搬細屋同居，連傢俬都要掃平貨，慳住使瘟仔，似乎意識到自己的名模路已響起警鐘。激凸行街
買傢俬前，不施姿粉嘅Ana 真空離開屋企拿大袋衫給朋友，睇到途人眼凸凸。
自從06年尾，Ana 跟拍拖4年的花弗男周立璟分手後，極速暴瘦兼神經質，雖然魅力大跌watt ，但全靠Ana 「爛做」，泳衣內衣騷大小通殺，仍能保住飯碗，維持騷價2至3萬，有品牌公關透露，「行內佢（Ana R.）出名易話為，唔會麻煩要求多多，好識做，
得啲客好開心。」每次出騷前，Ana 例必早到rehersal ，又配合設計師要求，真空上陣都冇問題。相反，周汶錡就相當揀擇：「煙、酒牌子佢一定唔接，唔係國際大牌子佢都唔會行，而且仲要係友好品牌。」品牌公關透露。19/4
搬新屋冇耐，Ana 唔記得大廈密碼，要勞煩其他住客幫忙。
大廈已有43年樓齡，而且面積只得700多呎，比Ana 的舊居細得多。
Ana R.與男友（左）在告士打道租了個700多呎單位同居，單位面向維港，Ana 更在家中掛了多幅畫作裝飾。
大屋搬細屋之不過模界最近被只得19歲的Janice Man 和Angelababy 等青春索模入侵，據了解，已經28歲的Ana 亦驚飯碗不保，最近便實行開源節流，上月更由銅鑼灣百德新街1,200呎閨房，搬到告士打道720呎舊樓，月租由$28,000縮皮至$18,000，勁慳1萬元。本月17日，Ana 出席純麥威士忌活動承認搬屋但拒認慳皮：「以前過度風水唔好，我成日病，今次呢度搵風水師睇過，話對我事業好。」當日Ana 仲話跟拍拖8個月的男友感情好好，「佢之前去咗第二度做嘢兩個月，下星期就會返香港，我哋會一齊執屋。」齋睇
睇傢俬前二人仲去Panasonic 睇電器，專攻雪櫃和洗衣機，但格過晒價都未肯扑槌。
$849書櫃
Ana 同男友睇中呢款$849的書架，但由於未肯定尺寸，未有即時訂購。
冧啜男友
睇完傢俬Ana 忍唔住啜男友一啖，你睇佢男友個樣就知有幾冧。Ana 自稱男友做生意，而記者週一（28日）就目睹其男友到灣仔入境處辦簽證，可知他不是香港居民。
齋睇平傢俬上週六（26日），晚上10時，一身便服的Ana R.男友就在新竇樓下會合女友，再齊齊返上樓。翌日（27日）下午4時，Ana 跟男友糖黐豆離開愛巢，二人先到金百利樓上餐廳醫肚，再到電器鋪和宜家傢俬格價，其間Ana 與男友攬攬錫錫，完全懶理top model 身份。齋縮皮唔係辦法，小心出年又要再搬細屋呀！樂基兒（28歲）
年資：9年
'08騷價：9萬
'07騷價：5.5萬
周汶錡（34歲）
年資：15年
'08騷價：8萬
'07騷價：6萬
熊黛林（27歲）
年資：9年
'08騷價：7萬
'07騷價：5萬
陳嘉容（33歲）
年資：14年
'08騷價：3萬
'07騷價：4萬
Rosemary （26歲）
年資：16年
'08騷價：2.5萬
'07騷價：3萬
Janice Man （19歲）
年資：6年
'08騷價：2-3萬
'07出道價：$880
Angelababy （19歲）
年資：5年
'08騷價：2-3萬
'07出道價：$880
大執位嚫模Angelababy 和Janice Man 上年人氣急升模價20倍，名模當中，除了周汶錡、樂基兒和熊黛林升價之外，入行十幾年的陳嘉容和Rosemary 的最新騷價都跌至與兩位上位嚫模睇齊，難怪陳嘉容要轉型讀珠寶設計，Rosemary 就藐嘴死撐：「未聽過Angelababy ，我入咗行十年，咁多經驗，（佢兩個）對我工作完全冇影響。」採訪：陳淑莊、何志衡
撰文：娛樂組
攝影：娛樂組、林達信、黃國立、賴穎雋
