代女友申訴※黑店－－秋田ｓａｌｏｎ※
以下是我女友的直述
黑店－－秋田ｓａｌｏｎ（
http://www.akitasalon.com/）
各位朋友，我現在有一個親身經歷同大家分享，係我本人光顧呢間秋田ｓａｌｏｎ（
http://www.akitasalon.com/）的慘痛經歷！
本人從網上的討論區得知這間秋田ｓａｌｏｎ，見它的網講到自己點勁點專業，本人就滿懷期望地去到這間ｓａｌｏｎ。
尼間ｓａｌｏｎ位於西環，我打電話去預約的時候，個人同我講好易搵，結果我去到搵左好耐都搵唔到，就打電話去，佢就話而家好多客，叫我自己搵，結果我花了＄２０去搭的士。幾經辛苦去到，都算啦。佢網上的相片影到間ｓａｌｏｎ幾新幾乾淨，點知去到就是另一回事，不單只好殘舊，仲好ｄｉｒｔｙ。
本人當時心想，間ｓａｌｏｎ ｄｉｒｔｙ都算，可能佢地真係好專業。間野入面得１個男人。本人同個ｆｄ在電話時講明我同我個ｆｄ都係電負離子，我電＄４９８的我ｆｄ電＄１４８，當時已問清楚會唔會去到要收付加費，佢地口口聲聲話絕對唔會。我們一去到，坐底，他一聽到我ｆｄ電＄１４８便立刻黑面，就不斷ｓｅｌｌ我ｆｄ電貴ｄ，我ｆｄ不相，話唔好，佢就不斷話＄１４８電出黎點唔好點唔好，＄２ｘｘ的點好點好。結果我ｆｄ半推半讓之下答應。 突然，來了幾個阿伯剪頭髮，他問都冇問我地就同個阿伯先剪，一剪就成個鐘，我同我個ｆｄ就坐係度乾等。
終於，佢ｄ員工返工，佢就叫左２個人幫我同我ｆｄ洗頭。哇，點知個人根本唔識洗頭，洗得我很痛，我已不斷叫佢細力ｄ，佢都依然咁大力。洗完頭之後，佢又再次唔理我地，當時我同我ｆｄ個頭都包著毛巾。
到了半個鐘之後終於有人理我地，開始幫我地電，但期間佢地狗眼看人低，多次忽略我個ｆｄ，又好求其。 他們根本不是專心幫我地電，電電下又行開，４個不同的人都有搞過我個頭，有何專業可言？！
結果電了６個鐘，終於電完，但其中４個鐘係等待。效果和我想像的差好遠，我和我ｆｄ都電得唔係好直，仲好乾燥開晒叉。佢又話見我電＄５００就送我一支噴頭髮既野，點知支野係用唔到的－ －
回到家，過了３天洗了頭，開叉就更嚴重，我見佢網度寫１４天不滿可重電，點知我打去話重電，佢地的態度好差，仲好求其一個鐘搞掂，最過份係收我＄３０洗頭水費！！佢事先冇講明！！＄３０成支洸頭水都買到啦！！！！
經過這次經驗，我絕不會再光顧呢間野。用＄５００買了一肚氣和一把電到極差既頭髮。 各位也真係要好好考慮是否要光顧呢間野，我不想有人好似我咁受害。
