Angelababy 女神征服深水埗
你睇佢著住條短裙仔扮揸賽車幾咁迷人？喂，真係好鬼妒忌Sun Boy'z 嘅William ，呢句唔係淨係FBI 嘅心聲。
Angelababy （楊穎）加PS3，呢個嚫界無敵組合上星期五（11日）成功征服西九龍。Angelababy 今次係擔任PS3大使喺西九龍中心露兩手，著住短裙仔玩GT5P 嘅佢，殺盡在場一班御宅族見模如見神，不斷舉機閃閃閃，繼而排隊向呢位女神嗱簽名同握手，天口熱免費有索女睇，FBI 都話爽呀！
為咗同Angelababy 合照握手，怕醜少男要被迫上鏡，女神嘅魔力唔講得笑。
咪以為女神嚫界獨食，估唔到一班深水埗街坊叔父都一樣睇得過癮，在場唔少阿叔阿伯都圍住呢個可以做得佢哋孫女嘅女神狂
，唔只咁，後台仲有班「龍友」舉起支鏡等緊佢，你話青春幾好呢。
實不相瞞，其實FBI 為咗尋幽探秘，平日夜媽媽都有上facebook 搵吓baby 個account 。點知，一搵就搵到幾個，究竟邊個先係baby 呢？Baby 當日就捉住FBI 講話通通係假，「我冇玩facebook 㗎，淨係得個blog 咋，我最擔心啲人冒認我，喺facebook 度同fans 傾偈呃佢哋。」聽唔聽到呀，唔好見到人哋個名同張相就有幻想呀，背後㩒緊keyboard 同你chat 緊過個，可能係男人嚟㗎，仲有鬚根㗎！驚未？
戴朱義盛
喺征服深水埗前幾日，好鬼旺場嘅Angelababy 又出席咗Shiseido 化妝品活動，當時佢手上戴咗隻眼核咁大嘅鑽戒，我FBI 即刻問佢係咪密密接騷所以發咗達，Baby 即刻解釋：「假㗎，係水晶嚟，我自己買㗎，幾百蚊。」好彩你認。
阿伯喪
冇作大㗎，由嚫仔至坑界全線爭住影baby 靚相，唔係區域歧視，但喺深水埗神女就多，神級靚女好少見。
女神駕臨深水埗後，討論區亦對佢讚多過彈，至少唔會好似佢老友Janice Man 咁有啲刻意中傷嘅post ，形象健康好多。
冒認女神
facebook 的確有Angelababy 個戶口，內里仲有大量Baby 嘅照片，但女神話佢冇facebook 戶口，大家想同女神傾偈，都係上佢個blog 穩陣。
