人生有邊樣野唔係賭博?
基本上, 任何有多於一個選擇的決定, 只要你選擇左一樣野, 而放棄另一樣, 之後會有一定既分別, 都應該可以叫賭博了. 買同唔買都係一個選擇.
賭博都唔一定係只講運氣的, 否則 打麻將, show hand, 之類就唔算賭博了. 好多賭博項目, 都係要經過當事人深思熟慮的.
你揀女朋友已經係一個大賭博喇. 將來結婚的話, 就等於加注了.
去 ETC 攞錢, 去 老麥買個包, 選擇排邊條隊一樣係賭博.
只係, 唔同既賭博, 結果既影響有幾大. 賭博唔一定要賭錢的, 唔一定要係金錢上既捐失至係賭博的. 有時賭博既結果都可以係無傷大雅的. 你去老麥買包, 排錯隊, 最多咪遲少少. 除非你好黑仔, 否則都會買到個包的. 當然, 排隊買包係你決定買包之後, 可能係無可避免的賭博. 買股票就係你有選擇之下去進行既賭博.
所以...我覺得問題唔係在於一件事係唔係賭博, 而應該睇下個結果既影響有幾大.
將來....到你要決定同唔同你女朋友結婚既時候, 果鋪賭得仲大啦.
