長線投資....富家子月搣五萬　傅明憲頂硬上

三十七歲的傅明憲，自老公葉劍波因「海域」爆煲，去年因涉嫌詐騙罪被捕後，身邊男人如車輪轉，繼被本刊拍到與東華副主席梁定宇返家短聚傳緋聞，早前又再被踢爆與年僅廿八歲，家族資產逾八十億的莊士集團太子爺莊家彬暗交兩年。
無寶不落的傅明憲以為今次又釣到金 ，但據知莊父早反對二人發展，加上為免愛兒胡亂花費，每月限定五萬元作為兒子生活費。無金山無限量供應，傅明憲兩年來被迫用盡私己錢，偷雞唔到蝕 米。

箍實太子爺
守生寡二年，但自老公葉劍波因為「海域」事件，去年涉串謀欺詐被捕，傅明憲一點也不寂寞，經常夜夜笙歌，身邊異性不絕兼且全屬年輕有錢仔，當中包括溝女王周立璟及東華副主席梁定宇，三十七歲的她，還搭上年輕自己近十年的莊士集團太子爺莊家彬。
平日對緋聞例會主動否認的傅明憲，今次同莊家彬玩認真，為泊得家族資產達八十億的莊士集團大碼頭再做闊太，傅明憲一直低調保護與莊家彬的關係，以免觸怒不贊成這段感情的莊父，但薑愈老愈辣，上週出席明嘉福喪禮時，莊紹綏表示不會過問兒子的感情事，但實則他為免兒子洗腳唔抹腳，早對莊家彬實施經濟封鎖。
「佢老豆驚個仔俾人呃呃，亂咁使錢，所以而家每個月只會俾五萬蚊佢使，仲同個仔講，如果個女仔係正正經經，同你講心唔講金，五萬蚊點使都夠啦！」知情者說。

急售富豪海灣
不過，傅明憲亦非省油燈，同莊家彬拍拖以來，一直無要求對方花費，以求長線發展。
有出冇入，傅明憲就連豪宅亦無得住，去年十二月，葉劍波將○三年以三千五百萬購入的富豪海灣C6號屋，以低於市價一成的六千三百萬售出。
「你估GiGi 好想搬咩，始終住咁耐，但間屋每個月供樓都幾十萬，點供？唔想大屋搬細屋都唔得啦！」傅明憲身邊友人說。

據知，自葉劍波急售富豪海灣後，傅明憲已秘密搬去新竇，為免新居曝光，平日同男友莊家彬去蒲，亦只會出入相熟私竇，而每次見記者就如見鬼一樣，匿得就匿，務求盡量低調，以免莊紹綏睇唔過眼，勒令兒子斬纜，咁苦心，只為再入豪門做少奶奶。

WA...無男人唔識做人咩~~~ cheap 爆