我在一間獵頭公司做,做左成十年了,最近我見到好多人力資源錯配的現象,想同大家分享:
我覺得呢幾年好錯配,由其而家D工要求好離題,由基層位到高層位,基層如CLERK,OFFICE ASSISTANT,SALES,飲食從業員等,高層如經理,部門主管企業管理層,都出現左一D錯配現象,
我同大家舉例一下,
先講D基層位,好多公司要求好離譜,成日想用最平人工請D高學歷同高技能人士,根本冇可能,違反供求定律:如經常出現一個CLERK位,要人地F.7或大學學位,一係F.55科合格(最好全部AABB唔好有個C),要好語文能力,中英講得寫得睇得,最好識埋其他語言,打字要1MIN 5X-6X字,最好有工商證書,會計,人力管理,SHIPPING,最好大公司出身,多年經驗先俾得果6-9K,仲要係個CLERK位, 結果係冇人去做,試想咁多條件,仲同你做個CLERK或OFFICE 基層位咩?? 其實做個CLERK或OFFICE基層位,真係唔駛咁高要求,一個正常人都做到,唔怕講句真心話,駛鬼咁多技能同學歷,你要個CLERK去見客傾生意咩?打字咁快又係多鬼魚,你有幾可見有OFFICE 9個鐘不停俾文件你打,咁好條件不如去做紀律部隊,起碼起薪點好,福利又好
最離譜係試過有個客要請TEA LADY,同我地講話要F.55科合格,中英文良好,大公司做過,要35歲樓下,樣要OK,真係白痴要求,點幫佢搵???有都去做女警LA
而D管理階層又係錯配,學歷係比機層位高唔得太多,因為基層都好高要求MA,但係要有大公司出身,好多年經驗,但唔可以太老,佢地所謂老,係指3到尾4字頭果D,我試過幫過客搵到一個博士,有18年大公司管理經驗,但係成五十幾歲,佢地話佢太老,真係埋沒人材,後生D又話冇經驗,點搵呀大佬???
香港人成日講話而家知識形經濟,唔好人講你又講,起碼而家香港真係唔係走呢條路,呢D只不過係商家壓D基層市民的口號,唔好真係已為HK全民皆知識咁,我唔怕話俾大家知,由其而家D香港人,個個以為真係周街大學生,其實係好錯,因為在HK勞動人口中,冇讀大學及冇學位的人,絕對係佔大多數,而家都仲好多中五中七的後生仔,後生仔係真要俾佢地工作機會的,香港而家係錯配
所以而家有料的人,個個俾澳門搶走,一係番大陸發展,HK而家真係唔同以前,咁多機會俾後生仔及新人,僱主們請檢討,唔好再錯配人資源,要俾多D機會d年輕人或中年人,如果唔係HK會好快斷層
如果您喜歡這篇文章，請按「讚」或分享給您的朋友，以示鼓勵。
