王家衞愛將，亦曾經同舒淇傳緋聞的台灣型男張震，去年十月與廿六歲、D 級女模Tanya Ng （吳家欣）同遊台灣斷正。做得張震女友，Tanya 即被大起底，被踢爆與林建岳兒子林孝賢及LMF 的阿華拍過拖，更一直對張震隱瞞自己是雙性戀者，甚至曾在尖沙咀任職夜場的過去。
Tanya 有此人生閱歷，相信張震都勢估唔到。
「翻版蕭亞軒」Tanya Ng
身材：32D 、23、33
入行經過：Tanya 在Rave Party 被發掘入行，曾參加Surfer Girl 2004比賽，因被周星馳邀試鏡而傳緋聞，年前簽約Star J ，做裕美師妹，往佬沃拍攝寫真集，暫定為08年新人。
背景：為玄學家吳佩孚同父異母妹妹，十五歲移民加拿大，兩年後離家出走回港發展。
張震同Tanya 在去年十月拍拖去台灣浸溫泉，事後更傳出婚期。
離家出走
張震與拍拖六年的台灣藝人路嘉欣分手後，便搭上舒淇。去年十月他與同樣叫「家欣」的女模Tanya 拍拖浸溫泉斷正，女友即被大起底，被指是玄學家吳佩孚同父異母的妹妹，簽約Star J 旗下。張震事後公開承認蜜運，但他點都估唔到，Tanya 是女同性戀者，與薛凱琪傳緋聞的大眼TB 曾是密友。
自言鍾意女人多過男人的Tanya ，十七歲接受報章訪問時，自爆好享受同女人拍拖感覺，並有穩定伴侶：「我發覺我更愛女孩子，女仔會細心啲，又識冧我開心，同男仔一樣拍拖都係攬攬錫錫，但同女仔一齊嘅感覺好溫暖！」
Tanya 雖然鍾意女人，但自細缺乏父愛的她，因為想組織家庭生小朋友，最後都由攣變直，同男人拍拖。
「父母一早分開嘅Tanya 十五歲已經離家出走，特別需要愛情，開始嗰陣佢同男仔拍拖，但男友背住佢偷食，令佢對男人冇晒信心，分手後就同TB 拍拖，但佢好想有自己嘅小朋友，最後都揀番男人！」Tanya 好友說。
Tanya 同TB 分手後，間中出席party 時，被人揸胸擘髀，high 爆。
淪落風塵
為了搵錢，Tanya 在做模特兒前曾化名在尖沙咀的夜場任職。
「嗰時佢一個人由加拿大返香港，試過搵佢老豆，但對方一味以為佢想嗱錢使，態度好差，自此Tanya 就冇同佢老豆再聯絡；佢做過髮型屋同日本餐廳，為咗搵多啲錢，試過響尖沙咀夜場做，後來做咗模特兒就冇再做！」知情者說。
Tanya 由朋友介紹認識張震，二人火速撻著。為保住這個名牌男友，她隱瞞自己的過去，不過仍定期出席TB 好友的豪放派對。
「Tanya 成日同班TB 出嚟玩，話女仔先明白佢，張震知佢有TB 朋友，但就唔知佢同女仔曾經一齊。」知情者說。
雖然如此，但蒲慣的Tanya 作風豪放，試過在派對上被人上下其手，揸波兼擘髀，她照單全收唔介意，仲將照片上載到Facebook 公諸同好。有女友如此，張震意下如何？
Tanya 有身材有樣，男女都啱，卻因離家出走，搞到要墮落風塵，認真曬料。
