Mar 15,星期六的早上,山頂公園出現了位微笑王子....佢真係由頭到尾都係度笑緊架~~~
臭嘟:嘩!呢個哥哥好靚仔呀,又高大威猛
我...鍾意呀!! 等我行埋去同佢傾下計先
Jeremy :喂,水皮,你細佬做乜花痴咁望住我阿哥呀? 佢....同志黎架?
水皮:佢一向鍾意女人架喎,不過....佢有D近視,可能誤會壹壹哥哥係.....
Jeremy :吓!!唔係呀...佢智障架!?!?佢唔好發夢啦,阿哥只係屬於我一個架乍!
臭嘟:壹壹哥哥,我好鍾意你呀! 其實,我地都幾襯呀....
"俾我咀啖呀~~"
壹壹:靚仔嘟,你搞咩呀~你今日食左藥未呀?
臭嘟:壹壹哥哥,我真係好鍾意你哩...你考慮下我呀,我雖然係矮仔,但好有用架,我...可以幫你R痕...立刻demo你睇呀! 我R得你C唔C服呀?
壹壹:你太矮啦,OK,我就下你高度,瞓低同你傾.....小朋友,你聽我講,返去食藥啦,病向淺中醫呀!
臭嘟:Oh...no...我真係好鍾意你哩,黎啦,俾我鍚啖...
壹壹:你究竟明唔明我講乜呀?你都係狗黎啫,冇理由聽唔明狗話! 好啦好啦,我用行動話你知啦...我唔鍾意男仔架!! 你再係咁,哥哥教訓你架啦...
臭嘟:唔係哩,你聽我講啦!!愛情...係無條件架,不分種類,年紀,性別,高度.....
Jeremy :真係忍無可忍啦我!!
水皮:你想點呀?
Jeremy :想點?埋去打佢囉,搶我大佬,佢未....瘦過呀!!
水皮:有事慢慢講喎,你咪想搞我細佬呀!!
Jeremy:水皮,你咪想阻住我喎! 否則,我連你都打埋架
水皮:我唔可以俾你蝦我細佬!
Jeremy:咩我蝦你細佬呀?而家係你細佬調戲緊我大佬呀
水皮:咁佢都係有病,未食藥啫,你唔好咁嬲啦...
Jeremy :你行開! 如果唔係,咪怪我泰山壓你頂呀!
水皮:唔得...
Jeremy :臭嘟,你同我行開
臭嘟:我點都唔走架啦
水皮:壹壹哥哥,你出句聲啦
壹壹:你班靚仔好嘈呀!!!!!
情況一片混亂.....
壹壹:呢度我最大,你地唔好嘈,聽我講!! 臭嘟, 我地都係初相識, 不如等見多幾次面,你認清楚我係男係女, 先黎同我示愛啦...
臭嘟:哥哥,你信我啦,我真係好鍾意你...
壹壹:..................
Jeremy :水皮,我覺得你細佬真係傻架,佢..冇改錯名! 我都真係無謂為左佢開拖...難得我同你初次見面都幾夾,不如我地唔好鬼理佢地囉
水皮:好呀,我都正有此意!
愛情故事暫結,若知後事如何,或傻嘟食左藥後有冇回復正常,不再迷戀壹壹?請看下回分解
多謝收看
