鬼都鍾意聽故事

有人話如果圍埋一齊講鬼故，千祈唔好輪住講，因為鬼係好鐘意聽鬼故，聽聽下仲會講埋鬼故比你聽。

好似狗仔同三個朋友:貓姐，豬女，小羊一齊去東堤玩時，就曾經被鬼偷聽佢地講鬼故。當時佢地以非常平既價錢係東堤租左一間只有一個房間既度假屋住。
玩到深夜兩三點時，其中一個朋友貓姐建議講鬼故：「圍埋一齊講鬼故啦！冇咁驚呀！」於是四個人就圍成一個圓圈講鬼故，將所有燈熄晒，只係開著一個電筒。大家越講越驚，一個講紅衣女鬼、另一講炭燒凶靈、一個就講張保仔鬼魂，仲有人講長洲大屋紅梅怪事…………………
「咪住！」「貓姐你明明未講架？但係點解會有四個故仔架？邊個講多左一個呀？」大家你望我我望你，講過鬼故果三個都擰頭話冇講多。不過大家突然發覺就係貓姐同豬女中間竟然坐多左個陌生人，佢慢慢咁舉手話：「燒炭個鬼故我講架！故事個主角都係我！」嚇到四個女仔鞋都著唔切就衝出碼頭，坐到天光先敢叫房東幫佢執野返香港，從此以後都唔敢再黎長洲。