中晒，香港最得閒的一群叫妹仔，幾廿蚊睇場戲消磨兩粒鐘濕濕碎，難怪靠一班年輕偶像做膽的《愛鬥大》，上映3日收超過200萬票房。王家衛套《藍莓之夜》上畫2個禮拜，都係收241萬票房咋陰功！
戲收得，女主角之一、模特兒出身，人稱界女神的Janice Man （文詠珊）自然多話題，本來19歲女身邊都係同齡同學朋友仔，不過細路仔唔識世界但識爆大鑊，網上就出現大堆數臭Janice Man 文章，煲煙仔貪錢樣樣齊，最近仲加埋她的繪形繪聲私房床史。
不過流言歸流言，Janice 卻繼續漏夜到男友家過夜，上星期更連環兩晚到男友荃灣家中度宿。Janice 愛情至上懶理是非攻擊，電車仔恐怖襲擊原來嚇佢唔到！
被人唱衰貪錢仔，近日亦被人在網上洩0男友親密照，但Janice 亦不避嫌在blog 內盡訴拍拖生活點滴，公開叫男友做BB 兼有隻狗仲有架新款Mini Cooper ，炫耀玩狗裝飾汽車的樂趣，似乎唔多驚公開戀情會影響女神地位。
上週六、日（19、20日），Janice Man 連續兩晚工作之後，自動外賣送上荃灣朗逸男友家過夜。
連夜上門
週日（20日）Janice Man 出席完電影《愛鬥大》慶功後，更立即坐的士到男友位於荃灣的住所，只見她在樓下按下層數及打了一個電話便有人開門給她上樓，兩晚流流長，Janice 應該盡興而歸。
其實Janice 由入模特兒圈開始已飽受抨擊，繼圖文並茂被數整容爛蒲擔煙舉中指壞學生之後，近日網上更出現一名自稱係Janice Man 男友中學同學的留言者，稱Janice Man 為「文×珊」兼數臭其男友。
該網友講得出Janice 傳聞男友全名李×峰，更自稱和他同讀「何官」（何文田官立中學），留言者更明言男友仔貪Janice 樣靚open 性感見得人，而Janice則被質疑只貪男友有家底兼做其大水喉，兩人簡直「天生一對」，用字非常刻薄。
Janice在個人網誌內放有多張生活照，其中一張更是在男友家中留影，Janice 仲話好耐冇上去探佢個「仔仔」，究竟「仔仔」係講隻狗定佢男友？
Janice 同男友的親密合照被放上網，香港高登討論區內，更有自稱係佢男友的同學仔大爆Janice 男友係有錢仔，仲大講兩人的床史，內容非常露骨，Janice 苦心經營的神女形象慘遭抹黑。
床上直擊
不只開名爆別人房事，這位同學更留言說女神男友李×峰同學曾在他們面前大談Janice 的床上表現。雖然好多錯別字，但佢大意係話李生同佢班同學講「同條女搞ge （）過程，話文×珊係（）上面×××，仲好詳盡tim （添）……」，此同學更話索模仔表現繪形繪聲。
Janice 反擊三宗罪
壞學生
Janice （左圖左）讀中學時，更好百厭咁整不文手勢兼扮食煙，不過Janice 就話：「貪玩影相！我有朋友食煙，借扮！」
愛名牌
Janice 戴Vivienne Westwood 耳環，不過有網友就質疑佢戴假，Janice 就話：「？自己都唔記得喎！」連耳環都留意到，位留言者一係好愛佢、一係好大仇口。
變靚樣
Janice Man 出道後俾網友插最多就係個樣愈大愈靚，雙眼又愈變愈大，不過Janice 就話：「我冇整過，都係化妝技術好！」
Janice出道時經常以$880蚊超值價幫雜誌影fashion 相，不過自從Janice 走紅後，已減少影一般fashion 相，來年亦會主力拍電影廣告同拍電影搵真銀，據知Janice 現時拍廣告約5萬蚊一個，搵多好多！
'08上位
界女神愈撈愈掂，先於05年同基仔一齊亞洲遊戲展做代言人，上年再同方力申幫大家樂賣廣告，再到今年擔正拍《愛鬥大》，Janice Man 已經由妹model 仔，變成界女神。Janice 更表示下年已有兩部電影等佢接，再加埋成堆電視廣告簡直唔憂做；只是Janice Man 貴為界女神又同男友愛得高調，難免有電車男睇唔過眼，對於俾人網上爆床史，難得19歲女的Janice 就好淡定話冇所謂，仲話同男友仔感情穩定冇影響。
F ：《FACE 》 J ：Janice Man
F ：有自稱你男友同學網上爆你床史喎！
J ：唔……其實寫乜都冇所謂啦，我唔介意，自己知冇咁事咪得！
F ：你男友會唔會嬲呀？
J ：佢都冇所謂，我識咁耐，唔會受呢影響！
F ：前兩晚見你去男友屋企過夜喎！
J ：其實我有幾個屋企，荃灣度只係其中一個！
F ：咁係咪即係男友屋企呀？
J ：……唔……總之我有幾個地方啦！
F ：仲有人post 你食煙相上網喎。
J ：哦！我唔食煙，次係貪玩影相，酒就真係有飲少少。
Janice 講到明同男友糖黐豆，中傷人者同各位電車仔唔該死心。
'08做主角
之前Janice Man 最多都係做model 行騷，家陣愈做愈紅，週一（21日）已經可以拍住無契仔林一齊幫西武做宣傳，地位不可同日而語！
'05車邊
05年Janice 拍住古巨基一齊出席亞洲遊戲展，不過當時基仔做代言人，Janice 都只係傍住陪襯，睇Janice 攬住基仔個肉緊樣，就知佢有幾high 啦。
'07拍廣告
上年同方力申一齊拍大家樂廣告，Janice 拍住形象健康方力申上電視，開始入屋第一步。
索模Twins
Janice Man 同另一界至Angelababy 好老友，Janice 19歲生日當日，Baby 仲同Janice 攬埋一friend 到震。
觀眾：「江若琳太造作！」
《愛鬥大》由一班新人擔大旗，雖然個個都青春又靚女，不過觀眾睇完後多數只撐Janice 同Maggie 做得好，睇江若琳真係要演技大鍛煉喇！
謝小姐 26歲
「我覺得Janice Man 做得最好！估唔到佢咁自然，如果佢再拍戲我都會再去睇，江若琳就太造作喇！」
譚小姐 學生 17歲
「我原本諗住捧Janice 場，不過睇完發覺Maggie 做得最好，尤其係拉低拉鏈同最尾喊一幕，真係收放自如！」
今年19歲的Janice Man （文詠珊），14歲入行成為Starz People 模特兒，曾拍過「大家樂」、「2%」等廣告，更被封為界女神」，近排佢最hit ！
Janice 同李姓男友其實都幾襯，可惜李生溝位係女神，俾人狂應該都預！
曾參演電影《十分愛》的Janice ，在《愛鬥大》中首次擔大旗，與江若琳拍住上做少男殺手，票房三日超過200萬，女神力量唔係講笑！
機警回望
住個價值一萬五千Chanel 手袋的Janice 工作後返回男友位於荃灣、市值約440萬、面積千三呎的朗逸，入門前不斷回望查看有冇人跟蹤，警覺性甚高。
