有一句老生常談嘅說話"珍惜眼前人"
世事無常,冇人知聽日會發生乜嘢事,自己經常在大陸,好少時間陪伴家人,所以我好珍惜同佢哋相處嘅時間.可能時間少,所以珍惜,如果日日對住,可能會唔同.其實大家有冇覺得,同家人嘅感情,可能唔及得上從未見過,唔知係邊嘅網友好呢.呢個就係經常有人講,話互聯網令親近嘅人疏遠,令遙遠嘅人走近嘅現象.
喺大陸做嘢,令我睇會到一件事,就係朋友,同事,情人你都可以揀,但親人你係冇得揀嘅,無論你用任何方法,你哋嘅血緣同基因都唔會改變,既然係咁,點解大家唔花多啲時間去關心同了解你哋嘅家人呢?
古巨基有一首歌,令我體會好深,就係"愛得太遲".大家不妨聽吓,睇吓會感受到乜嘢.
講番傘仔嘅同學,如果你決定同佢相認,就一定要有心理準備,唔好淨係去一兩次,講吓啲好"行"嘅關心說話就算,你咁就一定會好hurt佢.你要長期咁去探佢,要抱住同佢重新建立番你哋嘅友誼嘅心態,始終冇見咁耐,一開始一定有啲生疏,好唔自然,但如果你係抱住關心嘅態度去,慢慢佢一定會接受嘅.
如果你真係去,幫我問候一吓佢丫,雖然我唔識佢,但喺呢度我同你都算係朋友,朋友嘅朋友,都算係朋友.
