八珍上個禮拜二（八日）晚九點九，揸住錢八路經跑馬地，咁啱見到梁朝偉離開Amigo 出嚟嗱車，八珍初時以為佢同劉嘉玲撐完枱腳，點知尾隨出嚟嘅係燕瘦環肥乜都有，各人手上仲嗱住支紅玫瑰花，齊齊出門口歡送偉仔。問番二五，原來偉仔當晚係同fans 食飯。
偉仔出道唔少日子，據聞呢班fans 係由五虎年代支持到而家，彼此嘅關係已經昇華變成朋友，只要偉仔有時間兼人在香港，就會做老細主動獻身call 班fans 老友出嚟聚舊，至於約會地點一定係出晒名嘅高級餐廳，除咗Amigo ，仲有Amber 。
咁念舊嘅藝人，睇怕而家都好難搵到。
同劉嘉玲拍拖十八年，證明偉仔份人，無論對嘉玲定係fans 都非常念舊。（《蘋果日報》圖片）
班fans 一人嗱住支玫瑰出嚟歡送偶像，受「人妻」緋聞困擾嘅偉仔露出難得一見嘅笑容。
偉仔上咗車，依然同班fans 傾多幾句先走。
