一朝得志，原來真係會語無倫次！好似志雲大師愛將之一嘅吹波波咁，點名去完肉酸峰，就領悟到「及時行樂」呢個最高境界，一返嚟就俾人影到上老闆屋企夜半談心，轉頭就搶番《勁歌》主持嚟做，認真唔講得笑！
有二五爆料話，要風得風嘅佢早排仲大模斯樣去老蘭夜蒲兼溝女。係人都知佢有個圈中女友糖黐豆啦，佢仲夠膽死𥄫中隔籬枱個靚女，即刻飛撲去請人哋飲嘢兼搭訕，知道個靚女係做美容，就懶風趣話：「我啲皮膚唔係幾好，你話我做邊隻facial 好呢？」點知俾人寸番轉頭：「睇你咁嘅樣，做乜都冇用，去磨皮啦！」吹波波狂食檸檬，惟有
爆走人。
出名爛面嘅吹波波，好似係某某男士護膚品代言人，咁講法，即係倒人米啫！
