呢個星期,我估中哂美股,但係畀港股玩死....
星期一
策略: 之前個星期五入左大量熊証,諗住港股冇理由係冇好消息下急升,肯定係引人入局,結果個晚美股大跌,星期一港股仲唔大跌1千?
結果: 朝早死hold 住d 熊証,唔跌1千唔放,點知下午急回穩至只跌300幾.....趁仲有幾千執放生d熊（本來賺3萬幾),收市前見勢好反手入牛証.
星期二
策略:星期一見美股升得少少,諗住港股都係牛皮上落,穩陣d,一早趁仲有千幾蚊賺急放哂d牛証l
結果:港股急升(賺少成萬),最後見佢急回,美期又跌,勢頭唔對路,拿拿臨入熊証.
星期三
策略:中左,美股大跌,但係港股居然有得升,上午急急放哂d熊証,又係賺得千幾蚊.
結果:下午急升,見亞洲全面做好(連日本都升),美期又做好,反手又入大量牛証.
星期四:
策略:又中左,美股大升,點知長實有股東大手售股,阿爺又唔畀電力同油公司加價,港股跌. 中午收市前隻牛仔只係蝕少少,諗住搏下午反彈走左佢.
結果:日本同台灣股市都跌,今次冇咁好財,隻牛仔變左半死牛,蝕左幾千.本來想走牛換熊,但經個呢個星期既折磨,算把啦,估中美市都估唔中港股.
我諗(希望)美國既減息加救市方案會帶動港股做好,點都升得返上27500掛? 雖然要等到月底,好彩我隻係長命牛,唯有當畀鬼責(住d資金)
