過去唔少日本過江龍進駐香港，不過大部分都係掛個名就算，日籍總廚出現一頭半個月就回歸。逸東酒店日本居酒屋過江龍Yagura ，為保持口碑，割愛讓累積二十年廚藝、曾經在澳洲大使館當過主廚的永野考之長駐香港。
Yagura 有天婦羅、串燒和拉麵等日本料理，但主打壽司，所以入口有搶眼的壽司吧。而永野師傅最強係卷物，每款卷物都配襯精心調製的醬料。酒店用料固然靚，加上師傅的用心，口味說不上很特別，鮮的卻特別鮮，甜的零舍甜，這已是坊間難得！
Yagura
地址：佐敦彌敦道
營業時間：12nn-3pm/6pm-12mn
泊車：酒店有代客泊車服務
三文魚皮牛油果卷$5x
牛油果和三文魚分布平均，口感層次分明，中間還有魚皮，令魚油甘香更濃。
日本和牛卷$12x
其貌不揚，卻一吃愛上，炸蒜片薯絲配牛肉十分香濃，露筍天婦羅添了咬口。
七海卷$6x
以當日最新鮮靚料刺身做成，吞拿、三文係膽，一定有，總之啖啖充滿不同口味。
吞拿魚盛$17x
有齊大、中拖羅和赤身。食過後，拖羅的魚香甘甜，發夢都記得。
