黎明和樂基兒都捧場的原澗，食個晚餐都成千蚊。物有所值，質素確實頂呱呱。但你是黎明，可以日日去嗎？
不過集團最近在禮頓道一壽司旁開了間淳壽司，裝修簡潔開揚，明顯走年輕人路線。最重要的是，淳和元澗的貨源一樣，但更集中於沖繩和北海道，不甘與一般壽司店築地嗱貨咁普通。尤其沖繩海水零污染，海鮮特別鮮甜，還有特產海葡萄，其他迴轉店一定食唔到。價錢方面，最基本的三文魚壽司，都係九蚊兩件，極大眾化。但作為元澗姊妹店，當然有高檔創意壽司。好似北海道三文魚籽蟹膏蟹肉軍艦和帆立貝海膽墨魚籽壽司，師傅話仲會每月加入新驚喜，二百多元，食到原澗級滿足效果，超抵！
淳壽司
地址：銅鑼灣禮頓道
營業時間：
星期一至四12nn-11pm
星期五至六12nn-11:30pm
泊車：禮頓中心$20/ 小時
北海道三文魚籽蟹膏蟹肉軍艦$3x
蟹膏味勁濃，彷彿嚐到北海道海水味。蟹腳肉紮實，再增添鮮味。
火灸頂級金槍魚壽司$4x （前）
鮮甜度拍住拖羅，帆立貝海膽黑魚子壽司$4x/1件（後）全北海道出品，入口果然fresh 得多。
沖繩葡萄蝦刺身$12x
綠色如蟹籽的沖繩特產海萄葡，味道很淡。沖繩蝦非特別爽口，但那種蝦特有的鮮味與馥郁，零舍豐富。
魚安魚康魚魚肝軍艦$2x
健康罕有卻抵食，配埋柚子醋，竟有陣淡淡的鵝肝香。
