壽司一向俘虜港人心，由元祿到板長，平至兩件九蚊，到日籍大師傅出馬成百蚊件，只要係壽司店，必成長龍人氣店。
來到○八，壽司一定繼續大熱，我話！！點解咁肯定，因為有以下四項鐵證證明。壽司勢力插入不同地域，不同階層，不同食材，越出越專，越出越精，點可能會out ？
西環區一向多地
小店，唔少人專程揸車去搵食。而好似十人十色，落本四百萬豪裝的餐廳，應屬區內先河。
十人十色的氣派簡直可媲美銅鑼灣區名牌餐廳，推門就見到長三十米，可坐六十人的超長的長方形迴轉壽司枱。迴轉枱上的天花掛了九百九十八條水晶條，格調高檔有氣派。餐廳有大量卡位，地方開揚寬敞。還有一間榻榻米包廂，用了誇張鮮明的顏色圖案布置，最啱年輕人聚會。
餐廳主打壽司，不過大廚有二十年炮製和食經驗，亦為十人十色提供百多款日本料理。有料理底，壽司自然更有創意，亦講究時令；洗米、浸米等去控制飯粒濕度，製作壽司如懷石料理般認真，誠意一百分。而且價錢比旺區平，與其在銅鑼灣等兩粒鐘，我建議花點車程到十人十色。人流少，餐廳又新，唔使排隊，咁先至食得開心！
十人十色
西環堅尼地城
營業時間：
星期一至四11:30am-3pm/6pm-11pm
星期五至日11:30am-11:30pm
十人十色$7x
招牌菜有迷你赤貝、爽口翡翠蝦、鯖魚、三文魚、油甘魚、龍蝦沙律、三文魚子加黑魚子、螺片加芥辣莖、鮑魚仔和八爪魚加菠菜，豐富又新鮮！
日本珍珠蠔$4x （前）
爽口且極富蠔味，迷你鮑魚仔軍艦$20帶點香辣。
神魚$10x
包括吞拿魚、wasabi 蟹子、海膽和油甘魚、越南大蝦天婦羅。味道夾得鮮甜無比，唔係隨便大堆頭。
鰻魚米紙露筍卷$7x
鰻魚夾露筍，魚的香和筍的甜都來得清新，加了米紙，添了點煙韌。
