虎父無犬子，四哥謝賢後生時代，殺女無數，謝霆鋒得老豆真傳，圈中天后如鄭秀文、王菲，均被俘虜，之後再搞掂埋張栢芝，全部唔係靚就係型。
二五爆料，話霆鋒曾經向圈中友好口傳冧女秘技，鮮花巨鑽朱古力燭光晚餐……全部都錯，係T-back 。原來霆鋒會失驚無神著T-back 冧女，佢仲同啲friend 講，話每次栢芝見到佢著T-back ，都會high 到爆，勁冧。
Lucas 係咪因此而得，八珍唔敢胡亂揣測，不過，霆鋒呢招冧女術絕對唔係個個啱使，試諗吓，假如閣下腰纏贅肉，著T-back 肯定大煞風景，仲點搞呀！
得四哥（左二）遺傳靚仔樣嘅霆鋒著T-back 冧老婆（右一），呢門絕技，將來Lucas 亦絕對用得住。
老公，好偉大呀！（設計對白）.
.
