出道十二年嘅梁詠琪（GiGi ）一向守身如玉，上週五（21日）在慈善演唱會中卻搏到盡bra top 辣舞冇計較。
舊公司約滿，傳過東亞又未有著落，GiGi 用盡本錢只因想博有公司垂青，難怪有傳今次慈善騷只得10萬酬勞（一級歌星如鄭秀文、楊千 紅館價每場80萬），還要親自吹雞搵薛凱琪和吳建豪撐場，GiGi 今次一鋪去盡，唔知東亞老闆林建岳有冇興趣呢？
老闆愁 觀眾讚
梁詠琪今次搏盡演出，觀眾睇完一致讚好，不過老闆林建名就話分分鐘要蝕，再搵GiGi 合作都要睇機會。
演唱會入座率只得八成，老闆林建名就愈坐愈冇表情，對於GiGi 收象徵式酬勞，林建名就話：「咁都有10萬嘅，香港而家冇地方，再合作遲啲再算啦。」
容小姐
覺得佢做得好過之前，跳舞多咗啦，感情又多咗，唱功又好咗，如果佢再開演唱會，我哋都會再睇！
唱到喊
GiGi 於演唱會內自彈自唱〈花火〉時，一度差啲忍唔住落淚，熱情女神忽然柔情似水，博晒好感啦！
花 火
作曲/ 填詞：梁詠琪
原來風雪可以使我堅壯使我堅強
假使敢夢與想 假使天真地唱
我也會笑容漂亮
原來歲月太長可以豐富可以荒涼
能忘掉結果 未能忘記遇上
先緊貼
GiGi 同吳建豪跳辣身舞成為全晚高潮，撩人動作加埋兩個肉緊表情，觀眾想唔high 都難。
後自摸
跳完激舞都未夠喉，再加多part 自摸娛賓，未有老闆，玉女都要大解放。
再吻別
跳完激舞，GiGi 臨尾再嘴唇微張玩kiss ，難得今次酬勞唔多，GiGi 都算大犧牲喇！
移晒位
開show 前事先張揚挑戰極限著水晶比堅尼唱〈比堅尼〉，到開騷貨不對辦變bra top 上陣，好在GiGi 都冇欺場，跳到bra top 移位大酬賓，對於平咪照撐bar top ，GiGi 就好有信心：「唔係掛，可能遠睇唔清楚啫！」
玩友情
之前GiGi 同薛凱琪拍《女人本色》時，有傳GiGi 大恰細唔妥Fiona ，今次演唱會GiGi 就搵埋薛凱琪做嘉賓，扮老友洗惡女形象。
自從跟伊健分手後的梁詠琪，事業似乎停滯不前，跟華納唱片約滿，傳會過檔東亞又只聞樓梯響，連想搵GiGi 開戲的星皓亦告清盤轉型，無家可歸GiGi 近排只靠內地登台搵食。
極度感性
雖然演唱會當晚只得八成滿，不過梁詠琪穿上唔夠十吋長嘅短褲，肋骨胸照著bra top 上陣，雖然同之前講嘅比堅尼有出入，但換上同吳建豪用辣舞補飛，再加借位「車輪」，一樣令在場觀眾情緒高漲，GiGi 今次演唱會雖極度誘惑，但因演唱會屬慈善關係，據知酬勞實屬有限，GiGi 亦承認：「今次酬勞都係象徵式收啲，幾多就唔講喇！」
除咗超激演出，GiGi 亦乘機玩感性，親自搵薛凱琪大玩姐妹情，又合唱又賣口乖：「我真係好鍾意fiona ，佢好cute 好乖！」之後當唱到〈花火〉時，GiGi 又即時狀甚傷感，又搏得又好戲，不過今次搞手大名娛樂老闆林建名就話：「入座率係唔滿，可能地方遠啦！今次賺蝕都未知㗎，都未埋數！」
吳建豪
