真面目:遊戲展刮女 Angelababy爆執靚5招
人稱
界女神，近排做埋演員有份拍大堆頭《破事兒》的中德混血兒Angelababy （楊穎），索呀呵？
不過baby 四年前的孖潤腸嘴絕對嚇窒人，由醜小鴨變索模，Angelababy 話絕無後天加工，更親自解說執靚秘技，益街坊醒今年遊戲展班未發圍game girl 。
其實今年game girl 質地唔差，學埋鴨仔變baby 化妝大法，隨時索過baby 後來居上，咁下年咪唔使(lur)班電車男幫你買game 囉。
「電車界」愈撈愈掂嘅Angelababy ，貴為電車男盛事的「2007亞洲遊戲展」當然要預埋baby 姐一份。
嘴唇發炎
最近傳媒不斷刮baby 4年前同龍友拍下的驚嚇舊相，忽然小鴨變女神，baby 一度被人話整容，上週五（21日）baby 出席「遊戲展」時，首度為整容疑雲解話：「又係呢張相呀，唉，我嗰時細路女乜都接，所以咪影埋啲核突相囉，其實我嗰年箍牙搞到口唇里面發炎，成棚牙腫晒，嘴唇都脹埋，不過我真係冇整容，而家全靠化妝搭夠啫！」
反擊整容
14歲入行做model 嘅Angelababy ，短短4年人氣急升，由model 仔進軍大銀幕拍電影《破事兒》，不過佢個樣好似人氣一樣咁三級跳，由以前孖潤腸嘴變到性感薄唇，baby 就解釋話：「係化妝效果啫！」仲即時教路，傳授執靚5招，姊妹們齊齊學嘢！
1.深眼線︰除咗戴colour con ，我仲會畫深眼線，上下眼線都要畫，遠睇會令對眼大啲！
2.大眼仔︰其實我對眼唔係特別大，只係用colour con 或者大眼仔，感覺會更有神，影相就撐到對眼行一行咁對眼自然會覺得大啲！
3.靠鼻影︰你睇我個鼻算係高，所以平時唔使點搞，不過我建議扁鼻嘅女仔可以打鼻影，出嚟效果會變得又直又高，呢招好有用！
4.圓圈影︰我自細都面尖尖，不過我都會響腮骨兩邊打shadow （陰影），用打圓圈嘅方法上陰影就最自然。
5.咪上唇︰我影相有時會合口同咪住個嘴，咁口唇就一定會薄啲啦！
電車男嗒高清寶寶
除咗一班show girl ，今年Playstation 力谷嘅「高清寶寶」當然有去遊戲展撐場，而且仲係18個寶寶齊晒人，人多個勢特別強，加上成班囡囡著晒制服扮學生，可惜18人當中除咗幾位較省鏡外，大部分都似乎未經改造，係時候跟大師姐Angelababy 學番兩招，包你唔使熄燈都可以變女神。
孖妹夾擊熊黛林
Game騷主力sell 年輕人，有排未去到舞台王者年齡層，所以就算城嫂熊黛林到場，都要輸畀青春無敵嫩口妹妹仔。上星期六（22日）熊黛林到場做嘉賓，上台力sellPSP 之餘還親身落場試玩GT5P 賽車遊戲，承傳Aaron 車手之血的熊黛林落力玩出力試，可惜場中電車仔或龍友似乎對城嫂唔多buy ，群起圍影嫩口show girl 阿Pooh 同Suki 。
龍友Jackal 話：「阿Poon 個樣好順眼，斯文得嚟又唔造作，著得少，令人好有遐想。」另一電車男阿軒就話：「Suki 有種野性味，皮膚好滑咁，個樣幾得意。」城嫂今鋪失威咯！
全場最索
姓名：Poon
年齡：18
身高：174cm
入行1年半
代表遊戲：赤兔（賽馬遊戲）
Show girl 老手
姓名：Suki
年齡：18
身高：156cm
入行兩年半
代表遊戲：Gamania
18歲變索模︰18歲卜卜脆，加上眼大大、高鼻兼薄唇嘅baby ，小鴨變索模最佳例子。
14歲肥嘴鴨︰14歲出道嘅Angelababy 一孖潤腸確難頂，baby 解釋話：「輯相係我箍完牙後一日影，所以口唇腫晒！」
撈埋電影︰模界撈得掂，Angelababy 最近仲進軍電影，在聖誕檔期上映嘅港片《破事兒》都有份拍住關智斌一齊做其中一個故事的女主角。
3./4.
