媽咪姐手記:台北直擊 余文樂夜場攬女
「人不風流枉少年」，余文樂出道之後，緋聞不絕，包括盧巧音、鍾欣桐（阿嬌）等。但自從傳出佢同黃伊汶行埋後，佢嘅緋聞即刻冇晒，冇法啦，人哋阿媽有勢力嘛。
不過去到外地就唔同啦，冇王管，梗係要出嚟玩吓啦。上星期六（12月8日）余文樂出席台灣金馬獎，原來佢前一晚已經到咗。仲走咗去蒲場Room18，攬長髮女伴狂歡。
佢以為自己戴頂cap 帽，混入人堆中就冇人發現。但佢點都諗唔到，係自己撇鬚出賣咗自己。佢當晚面紅紅情緒高漲，仲不時同長髮女伴跳貼身舞。興起時仲攬住對方，旁若無人。余文樂玩得咁開心，唔知黃伊汶睇完後會唔會搵阿媽幫拖呢？
今晚去我度！（設計對白）
現場環境擠逼，余文樂與女伴身貼身，面貼面共舞。
攬到實
余文樂玩到忘形時，更一手（紅圈）將女伴擁入懷內，非常纏綿。
一支煙兩份食
余文樂與女伴又攬又抱之外，更親密到一支煙兩份吸，你一啖我一啖，愈玩愈high 。
