著數優惠交流網 » 影視、娛樂交流區 » 娛樂頂點:俾Paris Hilton考起　霆鋒英文水皮出醜

娛樂頂點:俾Paris Hilton考起　霆鋒英文水皮出醜

1^# 大中小 cheshire (IP: x.102.126.x) 發表於 2007-12-1 09:41 發短消息只看該作者

上星期五晚（23/11）於上海舉行嘅《第五屆MTV 超級盛典》可謂大堆頭同大陣仗，除咗邀請到話題名媛Paris Hilton 專誠到上海擔任頒獎嘉賓之外，當晚仲有謝霆鋒、鄭秀文、阿Sa 、黃耀明、趙薇及李冰冰等，總之有份行紅地氈嘅，都人人有獎永不落空。
有幸同Paris 一齊上台做頒獎嘉賓嘅霆鋒，出場時成為全場高潮所在，不過霆鋒台上以英文與Paris 交談時不單止口窒窒，仲緊張到忘記頒獎次序。聲稱自細讀國際學校同響加拿大留學嘅佢，唔通近排只顧用母語教Lucas ？

霆鋒發台瘟網上有得睇：
http://v.youku.com/v_show/id_ca00XMTIyNTM5MTI=.html

霆鋒英文講到一舊舊，Paris 聽唔明惟有陪笑，自知出洋相嘅霆鋒則面露尷尬笑容，要用普通話「補飛」，真係羞家咯。

我都係講番普通話啦！（真實對白）

連候選人名單都未公布，霆鋒就答Paris 話可以宣布得獎者，令台下觀眾愕然，霆鋒又衰多次啦。

你聽唔明㗎？（設計對白）
老婆，我呢鋪真係好瘀！（設計對白）

頒獎禮當晚，上海氣溫只有十度，一眾亞洲藝人已經包到撼，相反鬼妹Paris 就唔怕冷，接連以三套低胸露背晚裝視人，梗係搶晒鏡啦。

原本有份行紅地氈兼打頭陣成第一位得獎嘉賓嘅Sammi ，響大會開始咗兩個鐘後才施施然進場，入場後Sammi 即被大會安排上台領取「香港最具風格女歌手」獎。Sammi 回後台時剛巧遇上Paris ，不過Sammi 卻低頭迴避，兩人零交流兼全無眼神接觸，反而Sammi 經理人郭啟華就十足小fans 咁笑笑口望住Paris 。

霆鋒與Paris 一齊頒發「香港最具風格男歌手」獎項予黃耀明時，霆鋒先以英語介紹Paris ，不過出道時話自己唔識中文只識英文嘅霆鋒，一見到Paris 即時口窒窒：「大家好，This is...and this is my honorto stay here with Paris Hilton...to present this award...to the...UM...next on me,and a...（中譯：大家好，我好榮幸同Paris Hilton ……頒發呢個獎……響我身邊……）」真係聽到觀眾同Paris 耳都側埋。
霆鋒自知出洋相，要立即轉頻道用普通話「補飛」：「我都係用番普通話好嗎？」之後，當Paris 講完一大輪嘢，然後用英文問霆鋒：「依家可以揭曉了嗎？」霆鋒聽唔明Paris 嘅英文，即求其答：「Yes 。」當時連候選名單都未公布，所以令Paris 擺烏龍，宣布黃耀明得獎，這時佢哋身後面嘅大銀幕先播出各候選歌手嘅片段。俾Paris 啤到實嘅霆鋒，真係

到要搵窿捐。

Paris 打橫行
第一次到上海嘅Paris 保持一貫高調作風，除咗三名近身保鑣作人釘人貼身保護外，更自備一隊攝影隊為自己呢次東方之行作全程錄影，排場可媲美女王出巡。而Paris 更明益各內地朋友，短短三小時嘅頒獎晚會，竟然來來回回換了三套晚裝，當日上海晚上氣溫只有10度左右，但Paris 仍然套套都露背低胸短裙仔，整晚任影唔嬲兼向傳媒及嘉賓大送飛吻。唔知係唔係正因為佢嘅飛吻，令霆鋒暈晒大浪而唔記得點講英文呢？

曾因著錯衫事件而被淋屎嘅趙薇奪得「內地最具風格女歌手」，可能怕從重蹈覆轍，所以今次嘅造型就相當切合內地歡眾嘅品味。自信心爆棚嘅趙薇仲唔介意俾人睇見佢又黃又灰嘅腳趾甲添。

阿Sa 又開生日派對
阿Sa 去完頒獎禮後，與一眾英皇工作人員到劉嘉玲開嘅M2慶祝生日。佢嚟上海之前，已經響香港開咗嘅生日派對，咁開法，唔悶咩？

阿Sa 與眾人玩至凌晨三時多才盡興而歸，佢由工作人員護送下醉步搭的士返酒店。

可能霆鋒近年主力響大陸發展，出席MTV 頒獎禮時竟以一身40年前嘅「謝賢」造型出場。佢響頒獎禮嗱咗「香港最具風格男演員」獎，唔通依家潮流興復古？

成個星期
忽然一周第644期

廷伸閱讀/相關主題推介:

相關主題:Paris Hilton PARIS

如果您喜歡這篇文章，請按「讚」或分享給您的朋友，以示鼓勵。

TOP

著數優惠交流網 » 影視、娛樂交流區 » 娛樂頂點:俾Paris Hilton考起　霆鋒英文水皮出醜

娛樂頂點:俾Paris Hilton考起 霆鋒英文水皮出醜

廷伸閱讀/相關主題推介:

娛樂頂點:俾Paris Hilton考起　霆鋒英文水皮出醜